ఆదాయ అస‌మాన‌తల్లో భార‌త్ స్థానం రెండా?

మిలినీయ‌ర్ల వ‌ద్ద 54% సంప‌ద‌

ఎక్కువ‌గా న్యూస్ ఏజెన్సీలు ప్ర‌చురించిన ఈ వార్త సంప‌ద అధ్య‌య‌న సంస్థ న్యూ వ‌ర‌ల్డ్ వెల్త్ విశ్లేష‌ణాత్మ‌క క‌థ‌నం ఆధారంగా ఉంది. ఆయా దేశాల్లో ప్ర‌ముఖ మిలియ‌నీర్లంతా క‌లిసి ఎంత శాతం సంప‌ద క‌లిగి ఉన్నార‌నేది ఇక్క‌డ ప్ర‌స్తావించారు. మిలియ‌నీర్ల కంతా మ‌న దేశంలో 54% సంప‌ద క‌లిగి ఉన్నార‌ని న్యూ వ‌రల్డ్ వెల్త్ విశ్లేషించింది.

వాస్త‌వ స్థానం 12: ఆండ్రూ అమాయిల్స్‌

"అస‌మాన‌త‌లు క‌లిగిన దేశాల జాబితాలో భార‌త్ 12వ స్థానంలో ఉన్న‌ప్ప‌టికీ న్యూ వ‌రల్డ్ వెల్త్ నివేదిక‌లో రెండో స్థానంలో ఉంచారు. మిలియ‌నీర్లు 54% సంప‌ద క‌లిగి ఉన్నార‌ని రిపోర్టు చేసిన‌ప్ప‌టికీ వాస్తవానికి అది అంత‌కంటే తొమ్మిది శాతం త‌క్కువ‌గా 45% ఉంది." అని ప‌రిశోధనా వేత్త ఆండ్ర్యూ అమాయిల్స్ అన్నారు.

ర‌ష్యా అగ్ర‌స్థానంలో

ర‌ష్యాలో 62 శాతం సంప‌ద కుబేరుల వ‌ద్ద పోగుప‌డి ఉండ‌గా, మ‌న దేశంలో 54% మిలినీయ‌ర్ల వ‌ద్దే ఉంద‌ని నివేదిక పేర్కొంది. ధ‌న‌వంతుల ద‌గ్గ‌ర ఉండే సంప‌ద నిష్ప‌త్తిని బ‌ట్టి దీనిని అంచ‌నా వేసిన‌ట్లు న్యూవ‌ర‌ల్డ్ వెల్త్ తెలిపింది.

అమెరికాలో 32%; యూకేలో 35%

అమెరికా దేశంలో 32 శాతం సంప‌ద సంప‌న్నుల గుప్పిట్లో మూలుగుతోంది. యూకేలో మ‌రికొంత ఎక్కువ‌గా 35శాతం సంప‌ద ధ‌న‌వంతుల ద‌గ్గ‌ర పోగుప‌డింది.

సంప‌ద స‌మాన‌త విష‌యంలో జపాన్ ముందు వ‌రుస‌లో నిలిచింది. అక్క‌డ మొత్తం సంప‌ద‌లో 22% మాత్ర‌మే సంపన్నుల వ‌ద్ద ఉంది. ఆస్ట్రేలియాలో సంప‌న్నుల వ‌ద్ద 28% సంప‌ద ఉంది.

సంప‌ద స‌మాన‌త‌లో జ‌పాన్ న‌య‌మే

బిలియ‌నీర్ల ప‌రంగా చూస్తే.. ర‌ష్యాలో 26% సంప‌ద, జ‌పాన్‌లో 3% సంప‌ద బిలియ‌నీర్ల వ‌ద్ద ఉంటోంది. జ‌పాన్‌లో మిలినీయ‌ర్ల వ‌ద్ద కేవ‌ల0 22% సంప‌ద మాత్ర‌మే ఉంది.

మిలినీయ‌ర్ల చేతిలో ఏ దేశం సంప‌ద ఎలా?

ర‌ష్యా (62%)

2. సౌదీ అరేబియా (58%)

3. నైజీరియా(56%)

4. బ్రెజిల్ (55%)

5. భార‌త దేశం(45%)

6. బ్రిట‌న్ (35%)

7. యూఎస్ఏ(32%)

8. జ‌పాన్ (22%)

* ప్ర‌పంచ స‌గ‌టు- 35%

1 శాతం చేతిలో 49% సంప‌ద‌

దేశంలో కింది స్థాయి 30 శాతం మంది వ‌ద్ద 1.4% మాత్ర‌మే సంప‌ద ఉండ‌గా; 10 శాతం మంది కుబేరుల వ‌ద్ద 74% సంప‌ద ఉంది. దాని త‌ర్వాత ఎగువ మ‌ధ్య స్థాయి 30% వ‌ద్ద 5.7% సంప‌ద ఉంది. 1 శాతం మనుషుల వ‌ద్దే 49% సంప‌ద పోగుప‌డ‌గా, అదే 5 శాతం మంది ధ‌న‌వంతుల వ‌ద్ద 65.5 శాతంగా ఉండ‌టం గ‌మ‌నార్హం.