విప్రో కంపెనీలో ముఖ్య అధికారి రాజీనామా

| Published: Monday, August 29, 2016, 15:16 [IST]

విప్రో చీఫ్‌ లెర్నింగ్‌ ఆఫీసర్‌ అభిజిత్‌ భాదురీ తన పదవికి రాజీనామా చేశారు. ఆయన సొంతంగా ఎగ్జిక్యూటివ్ శిక్ష‌ణా సంస్థ పెట్టాలని నిర్ణయించుకున్నట్లు సమాచారం. విప్రో చేపట్టిన గ్లోబల్‌ 100 ప్రోగ్రాం వంటి చాలా కార్యక్రమాల్లో అభిజిత్ పాత్ర ఉంది. దీంతో పాటు విప్రోలోని త‌ర్వాతి త‌రాన్ని సిద్దం చేయ‌డంలోనూ ఆయ‌న ప్ర‌ధాన పాత్ర పోషించారు.

ఆయన తన శిక్షణకు ర‌క‌రకాల కీలక పద్దతులను వినియోగించేవాడని పేరుంది. ఆయన విప్రోలో సుమారు ఏడు సంవత్సరాలు పనిచేశారు. అంతకుముందు మైక్రోసాఫ్ట్‌లో మానవవనరుల విభాగంలో డైరెక్టర్‌గా పనిచేశారు. గతంలో పెప్సికో, కోల్గేట్‌, ముద్ర కమ్యూనికేషన్స్‌లో పనిచేసిన అనుభవం ఉంది. రామ్ చ‌ర‌ణ్‌, ఇన్నోవేష‌న్ గురు బిల్ ఫిష‌ర్ వంటి కోచ్‌ల‌ను ఆయ‌న విప్రోకు తీసుకొచ్చారు. వార్ట‌న్ స్కూల్‌తో జ‌ట్టు క‌ట్టి ప్రపంచ స్థాయి లీడ‌ర్ల‌ను విప్రో సంస్థ‌లో త‌యారు చేసేందుకు ఆయ‌న కీల‌క భూమిక వ‌హించారు.