అంత‌ర్జాతీయ మార్కెట్ల ప్ర‌భావంతో దేశీయ స్టాక్ మార్కెట్లు భారీగా న‌ష్ట‌పోయాయి. ఉద‌యం లాభాల‌తోనే ప్రారంభ‌మైనా చివ‌రికి న‌ష్టాల‌తో ముగిశాయి. సెన్సెక్స్ 224 పాయింట్లు క్షీణించి 27,835 వ‌ద్ద ముగియ‌గా; నిఫ్టీ 58 పాయింట్లు న‌ష్టపోయి 8592 వ‌ద్ద ముగిసింది. డాల‌రుతో రూపాయి మార‌కం రూ. 66.86 వ‌ద్ద కొన‌సాగుతోంది. ఆగ‌స్టు సిరీస్ డెరివేటివ్‌ల ముగింపు కూడా మార్కెట్లు ప‌డిపోవ‌డానికి కార‌ణ‌మైంది.
ఎన్ఎస్ఈలో బీహెచ్ఈఎల్‌, బీపీసీఎల్‌, గెయిల్‌, ఐటీసీ, హెచ్‌సీఎల్ టెక్ త‌దిత‌ర షేర్లు లాభ‌ప‌డిన వాటిలో ఉన్నాయి. న‌ష్ట‌పోయిన వాటిలో అదానీ స్పోర్ట్స్‌, విప్రో, ఐడియా సెల్యూలార్‌, భార‌తి ఇన్‌ఫ్రాటెల్‌, జీ ఎంట‌ర్‌టైన్‌మెంట్ త‌దిత‌ర కంపెనీల‌ షేర్లు ఉన్నాయి. ఎన్ఎస్ఈలో ఎఫ్ఎంసీజీ మిన‌హా మిగిలిన అన్ని రంగాలు న‌ష్టాల బాట ప‌ట్టాయి.