రోజు మొత్తం అస్థిరంగా క‌దిలిన దేశీయ స్టాక్ మార్కెట్లు చివ‌ర‌కు స్వల్ప లాభాల్లో ముగిశాయి. ఆరంభం నుంచి నష్టాల్లో కదలాడిన సూచీలు చివర్లో కోలుకున్నాయి. సెన్సెక్స్ 69 పాయింట్లు ఎగ‌బాకి 28060 వ‌ద్ద ముగియ‌గా, ఎన్ఎస్ఈ 17.7 పాయింట్లు లాభ‌ప‌డి 8650 వ‌ద్ద ముగిసింది.
ఐటి, పిఎస్‌యు, బ్యాంకింగ్ రంగాల షేర్లకు కొనుగోళ్ల మద్దతు లభించింది. కాగా, ఆసియా మార్కెట్లలో చైనా సూచీ లాభపడితే, హాంకాంగ్ సూచీ భారీగానే నష్టపోయింది. జపాన్ సూచీ కూడా నష్టాలకే పరిమితమవగా, ఐరోపా మార్కెట్లలో ఫ్రాన్స్, జర్మనీ, బ్రిటన్ సూచీలు మాత్రం 0.77 శాతం వరకు పెరిగాయి.