సెప్టెంబ‌రు 4 నాటికి ఆర్‌బీఐ ప్ర‌స్తుత గ‌వ‌ర్న‌ర్ రాజ‌న్ ప‌ద‌వీ కాలం ముగుస్తుండ‌టంలో కొత్త గ‌వ‌ర్న‌ర్ పేరును కేంద్రం ప్ర‌కటించింది. రిజర్వ్ బ్యాంక్ ఆఫ్ ఇండియా(ఆర్‌బీఐ) కొత్త గవర్నర్‌గా ఉర్జిత్ పటేల్ పేరును ఖరారు చేసినట్లు అధికార వర్గాలు తెలిపాయి. ప్రస్తుతం ఆయన ఆర్‌బీఐ డిప్యూటీ గవర్నర్‌గా బాధ్యతలు నిర్వహిస్తున్నారు. ద్ర‌వ్య విధానం, ద్ర‌వ్యోల్బ‌ణం విభాగాల‌కు ప్రస్తుతం ఉర్జిత్ నేతృత్వం వ‌హిస్తున్నారు. ద్రవ్యోల్బణంపై పోరు సాగించడంలో రాజ‌న్ ప‌నిచేయ‌డానికి కీల‌కంగా వ్య‌వ‌హ‌రించిన వారిలో ఉర్జిత్ స‌హాకారం ఉంద‌ని వినిపిస్తోంది. సెప్టెంబర్4వ తేదీతో ప్రస్తుత గవర్నర్ రఘురామ్ రాజన్ పదవీకాలం పూర్తవుతుంది. అదే రోజు ఆర్‌బీఐ 24వ గవర్నర్‌గా ఉర్జిత్ పటేల్ పదవీ బాధ్యతలు చేపట్టే అవకాశం ఉంది. ఆర్‌బీఐ గవర్నర్ పదవీకాలం మూడేళ్లు. డిప్యూటీ గవర్నర్‌గా ఉంటూ... గవర్నర్ బాధ్యతలు చేపడుతున్న ఏడవ వ్యక్తి పటేల్. ఆర్‌బీఐ కొత్త గవర్నర్ నియామకంపై ఆర్థికమంత్రి అరుణ్ జైట్లీ ప్రధాని నరేంద్ర మోదీతో ప్రత్యేక సమావేశం జరిపిన 48 గంటల లోపే ప్ర‌క‌టించ‌డం గ‌మ‌నార్హం.