భార‌త్‌లో ఇంట‌ర్‌నెట్ వినియోగం శ‌ర‌వేగంగా పెరుగుతోంది. గ్రామీణ ప్రాంతాల్లో సైతం నెట్ వాడేవారు పెరుగుతుండటంతో 2020 నాటికి నెటిజన్ల సంఖ్య రెట్టింపు కంటే అధికమై 73 కోట్లకు చేరుతుందని నాస్కామ్ అంచనా వేసింది. 2015 చివరి నాటికి దేశంలో అంత‌ర్జాల‌(నెట్) వినియోగ‌దార్ల సంఖ్య‌ 35 కోట్లుగా ఉన్నట్టు పేర్కొంది. భారత్‌లో ఇంటర్నెట్ భవితవ్యం పేరుతో నాస్కామ్, అకమయి టెక్నాలజీస్ కలసి ఈ మేరకు ఓ నివేదిక రూపొందించాయి. ఇంటర్నెట్ వినియోగదారుల పరంగా చైనా తర్వాతి స్థానంలో ఉన్న భార‌త్‌... వేగంగా వృద్ది చెందుతూనే ఉంటుంద‌ని నివేదిక పేర్కొంది.

* ఇంటర్నెట్ వ్యాప్తి ఆన్‌లైన్ షాపింగ్ పెరిగేందుకు ముఖ్య మాధ్యమంగా పనిచేస్తుంది. 2015-16 నాటికి దేశీయ ఈ కామర్స్ మార్కెట్ 17 బిలియన్ డాలర్లు ఉండగా... 2020 నాటికి 34 బిలియన్ డాలర్లకు చేరుతుంది.
* 2020 నాటికి స్మార్ట్‌ఫోన్ల సంఖ్యనే 70 కోట్లకు చేరుతుంది. దీంతో ఆన్‌లైన్ షాపింగ్ ఎక్కువ మంది స్మార్ట్‌ఫోన్ నుంచే చేయ‌డం మొదలెడ‌తారు. మొత్తం ఆన్‌లైన్ షాపింగ్‌లో 70 శాతం స్మార్ట్‌ఫోన్ల వాటానే.