ద్ర‌వ్యోల్బ‌ణాన్ని క‌ట్టడి చేయ‌డానికి రాజ‌న్ అనుస‌రించిన విధానాల‌ను భ‌విష్య‌త్తులోనూ కొన‌సాగించాల‌ని అంత‌ర్జాతీయ రేటింగ్ సంస్థ మూడీస్ అభిప్రాయ‌ప‌డింది. ఇండియా రేటింగ్ నిర్ణ‌యించేందుకు విశ్వ‌స‌నీయ‌త‌, ద్ర‌వ్య విధానాన్ని ఎంత స‌మ‌ర్థంగా అమ‌లు చేస్తున్నార‌నేది ముఖ్యం. ప్ర‌స్తుతం భార‌త రేటింగ్‌ను బీఏఏ3గా నిర్ణ‌యించారు. గ‌త రెండేళ్ల‌లో మ‌ధ్య‌స్థ స్థాయికి భార‌త ద్ర‌వ్యోల్బ‌ణం ప‌డిపోయింది. ఇదంతా ఆర్‌బీఐ ద్ర‌వ్య విధానం వ‌ల్లే. పీటీఐతో డూడీస్ సీనియ‌ర్ ఉపాధ్య‌క్షుడు మేరీ డిరోన్ మాట్లాడుతూ ద్ర‌వ్యోల్బ‌ణ క‌ట్ట‌డికి ప్ర‌స్తుతం రాజ‌న్ అనుస‌రిస్తున్న విధానాల‌నే భ‌విష్య‌త్తులో కొన‌సాగించాల్సి ఉంద‌ని అభిప్రాయ‌ప‌డ్డారు.

పాజిటివ్ అవుట్‌లుక్‌తో భార‌త‌దేశానికి బీఏఏ3 రేటింగ్‌నిచ్చారు. కాగా ర‌ఘురామ్ రాజ‌న్ వ‌చ్చే నెల 4న ప‌ద‌వీ విర‌మ‌ణ చేయ‌నున్నారు. వ‌డ్డీ రేట్లు అధికంగా ఉంచి, ఆర్థిక వృద్ది పెర‌గ‌కుండా అడ్డుప‌డ్డార‌ని రాజ‌న్‌ను ప‌లువురు విమ‌ర్శించారు. 2021 వ‌ర‌కూ ద్ర‌వ్యోల్బ‌ణం ల‌క్ష్యాన్ని 4 శాతానికి 2 శాతం ఎక్కువ లేదా 2 శాతం త‌క్కువ‌గా నిర్ణ‌యించారు.