1. వ‌డ్డీ రేట్లు

బ్యాంకు డిపాజిట్ల‌తో పోలిస్తే ఎప్ప‌టికైనా పీపీఎఫ్ ద్వారానే ఎక్కువ వ‌డ్డీనే అందుకోవ‌చ్చు. పీపీఎఫ్ ద్వారా ప్ర‌స్తుతం 8.1 శాతం వ‌డ్డీ వ‌స్తుండ‌గా, ప్ర‌భుత్వ రంగ బ్యాంకుల్లో చేసే డిపాజిట్ల‌పై 7.5 శాతం దాకా వ‌డ్డీ వ‌స్తోంది.

2. వ‌డ్డీపై ప‌న్ను

బ్యాంకు డిపాజిట్ల‌పై వ‌చ్చే వ‌డ్డీకి ప‌న్ను ప‌డుతుంది. ప‌న్ను లెక్కించేట‌ప్పుడు ఎఫ్‌డీల‌పై వ‌చ్చే వ‌డ్డీని మొత్తం ఆదాయంలో భాగంగా ప‌రిగ‌ణిస్తారు. పీపీఎఫ్ ద్వారా వ‌చ్చే వ‌డ్డీకి ప‌న్ను మిన‌హాయింపు క‌ల‌దు.

3. సెక్ష‌న్ 80సీ ప‌న్ను ప్ర‌యోజ‌నాలు

పీపీఎఫ్‌లో రూ. 1.5 ల‌క్ష వ‌ర‌కూ పెట్టే పెట్టుబడికి ప‌న్ను మిన‌హాయింపు ప్ర‌యోజ‌నాల‌ను అందుకోవ‌చ్చు.

చాలా బ్యాంకు డిపాజిట్ల‌పై ఈ సౌక‌ర్యం అందుబాటులో లేదు. ట్యాక్స్ సేవింగ్ డిపాజిట్స్‌కు మాత్రం ఉంటుంది.

4. ప‌ద‌వీ విర‌మ‌ణ నిధి ఏర్పాటు

పీపీఎఫ్ కాల‌ప‌రిమితి 15 ఏళ్లు. దీంతో ప్ర‌తి ఒక్క‌రూ ప‌ద‌వీ విర‌మ‌ణ నిధి ఏర్పాటు చేసుకునేందుకు ఇది అవ‌కాశం క‌ల్పిస్తుంది.

5. సుల‌భంగా న‌గ‌దుగా మార్చుకునే వీలు

పీపీఎఫ్‌ల‌తో పోలిస్తే బ్యాంకు డిపాజిట్ల‌ను కావాల్సిన‌ప్పుడ‌ల్లా విత్‌డ్రా చేసుకునేందుకు స‌త్వ‌ర వీలుంటుంది. గ‌డువు తేదీకి ముందే అవ‌స‌ర‌మైతే డిపాజిట్ల‌ను వెన‌క్కి తీసుకునే సౌక‌ర్యం ఉండ‌గా, పీపీఎఫ్‌లో ఇది లేదు.

7 ఏళ్ల త‌ర్వాత నుంచి పాక్షిక విత్‌డ్రాయ‌ల్ చేయవ‌చ్చు. అయితే ఇది(పీపీఎఫ్ కార్ప‌స్‌) దీర్ఘ‌కాలంలో కుటుంబ అవ‌స‌రాల‌కు ప‌నికొస్తుంది.

6. ముగింపు

ప‌ద‌వీ విర‌మ‌ణ త‌ర్వాత ఆర్థిక అవ‌స‌రాల‌ కోసం ఎక్కువ డ‌బ్బును మ‌దుపు చేయాలంటే పీపీఎఫ్ బాగా ఉంటుంది. అంతే కాకుండా దానిపై వ‌చ్చే వ‌డ్డీకి ప‌న్ను ఉండ‌క‌పోవ‌డం మంచి అంశం. బ్యాంకు డిపాజిట్ల‌తో పోలిస్తే ఏ విధంగానైనా ఇది బెట‌రే. దీర్ఘకాల పెట్టుబ‌డి అనే సంగ‌తి మాత్రం గుర్తుంచుకోండి. 7 ఏళ్ల త‌ర్వాత నుంచే పాక్షిక విత్‌డ్రాయ‌ల్స్‌కు అవ‌కాశం ఉంటుంది. ఈపీఎఫ్ లేని వారికి ఇది బాగా ఉప‌క‌రించ‌గ‌ల‌దు.