రిల‌య‌న్స్ జియో ఇన్ఫోకామ్ నుంచి ఎదురయ్యే పోటీని ముందుగానే ప‌సిగ‌ట్టిన అందుకు త‌గ్గ‌ట్లుగా వ్యూహాలు సిద్దం చేస్తోంది. ఇప్ప‌టికే కొన్ని డేటా ప్యాక్‌ల ధ‌ర‌లు త‌గ్గించిన ఈ టెలికాం సంస్థ త‌న వినియోగ‌దారుల కోసం మై హోం రివార్డ్స్ పేరుతో స‌రికొత్త ప‌థ‌కాన్ని ప్ర‌వేశ‌పెట్టింది.

ఈ ప‌థ‌కంలో భాగంగా ప్ర‌తి పోస్ట్‌పెయిడ్ బ్రాడ్‌బ్యాండ్ వాడ‌కందారుకు అద‌నంగా 5 జీబీ డేటాను ఆఫ‌ర్ చేయ‌నుంది. 1 జీబీ అంటే 1024 మెగాబైట్లు. 1 మెగాబైట్ అంటే 1024 కిలోబైట్లు. ఎంత ఎక్కువ‌గా ఎయిర్‌టెల్ క‌నెక్ష‌న్ల‌ను క‌లిగి ఉంటే అంత ఎక్కువ‌గా డేటాను పొందే అవ‌కాశం ఉంటుందని భార‌తి ఎయిర్‌టెల్ సీఈవో హేమంత్ గురు స్వామి తెలిపారు. ఎయిర్‌టెల్ బ్రాడ్‌బ్యాండ్ క‌నెక్ష‌న్ ఉన్న ఇంట్లోని కుటుంబ స‌భ్యుల‌కు రెండు ఎయిర్‌టెల్ పోస్ట్‌పెయిడ్ సిమ్‌లు, ఒక ఎయిర్‌టెల్ డిజిట‌ల్ టీవీ క‌నెక్ష‌న్ ఉంటే ఒక్కోదానికి 5 జీబీ చొప్పున 15 జీబీ అద‌న‌పు డేటాను ఆఫ‌ర్ చేస్తున్న‌ట్లు వెల్ల‌డించారు. క‌స్ట‌మ‌ర్లంతా మై ఎయిర్‌టెల్ యాప్ లేదా మై హోమ్ సెక్ష‌న్ ద్వారా త‌మ క‌నెక్ష‌న్ల‌ను న‌మోదు చేసుకుని మై హోం రివార్డుల‌ను సొంతం చేసుకోవ‌చ్చ‌ని చెప్పారు.