అంతర్జాతీయ మార్కెట్ల నుంచి సానుకూల ప‌రిణామాల‌తో పాటు దేశీయ వ్యాపారుల డిమాండుతో దేశీయ మార్కెట్ల‌లో బంగారం, వెండి ధరలు బాగా పెరిగాయి. బుధవారం పసిడి ధర రూ. 31వేల పైకి చేరగా.. వెండి కూడా ఒక్క రోజే 1000 రూపాయ‌ల‌కు పైగా పెరిగి రూ. 47వేలకు చేరింది.
బులియ‌న్ మార్కెట్లో బంగారం ధ‌ర ఈ రోజు రూ. 310 మేర పెరిగింది.

ప‌ది గ్రాముల ప‌సిడి రూ. 31,280గా ఉంది. అంత‌ర్జాతీయంగా 1.1 శాతం పెరిగి.. సింగ‌పూర్ మార్కెట్‌లో ఔన్సు బంగారం ధ‌ర 1355.41 డాల‌ర్లుగా ప‌లుకుతోంది. వెండి సైతం రూ. 1,050 పెరగడంతో కేజీ వెండి ధర రూ. 47,350కు పెరిగింది.
నగల వ్యాపారులు, నాణేల తయారీదారులు, పారిశ్రామిక వర్గాల నుంచి కొనుగోళ్లు వూపందుకోవడంతో ధరలు పెరిగినట్లు బులియన్‌ మార్కెట్‌ వర్గాలు వెల్లడించాయి.