బిగ్‌బ‌జార్ దుకాణాల్లోని వ‌స్తువుల‌ను ఆన్‌లైన్‌ల‌నే కొనేందుకు వీలుగా ఫ్యూచర్ గ్రూప్ పేటీఎమ్‌తో ఒప్పందం కుదుర్చుకుంది. బిగ్‌బ‌జార్ ఉత్ప‌త్తుల‌ను ఆన్‌లైన్‌లో ఆర్డ‌ర్ చేస్తే పేటీఎమ్ వాటిని ఇళ్ల‌కు తీసుకువ‌స్తుంది. పేటీఎమ్ మార్కెట్ ప్లేస్‌లో కీలక స్థానం దిశ‌గా బిగ్ బ‌జార్ అడుగులు వేయొచ్చ‌ని భావిస్తున్నారు. బిగ్‌బ‌జార్ వినియోగ‌దారులు పేటీఎమ్‌లో కొనుగోళ్లు జ‌రిపితే 15 శాతం క్యాష్ బ్యాక్ అందుకుంటారు. పేటీఎమ్ వాలెట్ ఉప‌యోగించి కొంటే ఆన్‌లైన్, ఆఫ్‌లైన్ కొనుగోలుదారుల‌కు ఈ ప్ర‌యోజ‌నం ల‌భిస్తుంది.

బిగ్‌బ‌జార్‌ను ఆన్‌లైన్‌లో ఉంచేందుకు ఈ ఒప్పందం బాగా దోహ‌ద‌ప‌డుతుంద‌ని ఫ్యూచ‌ర్ గ్రూప్ సీఈవో కిశోర్ బియానీ చెప్పారు. ఆన్‌లైన్ మార్కెట్ స్థానాన్ని అర్థం చేసుకునేందుకు గ‌త రెండేళ్లుగా ప్ర‌య‌త్నిస్తున్నామ‌ని, ఈ వ్యాపారంలో అడుగుపెట్టాల్సి ఉంద‌ని తెలుసుకున్నామ‌ని చెప్పారు.

మ‌హా బ‌చ‌త్ సంద‌ర్భంగా ఆగ‌స్టు 13-17 మ‌ధ్య వేయి కోట్ల రూపాయ‌ల అమ్మ‌కాలు జ‌ర‌పాల‌నుకుంటున్నామ‌ని బియానీ తెలిపారు. మొబైల్ అమ్మ‌కాలు,చెల్లింపుల‌కు ఫ్యూచ‌ర్ గ్రూప్ అమ్మ‌కాలు కీల‌కం కానున్నాయ‌ని పేటీఎమ్ వ్య‌వ‌స్థాప‌క సీఈవో విజ‌య్ శేఖ‌ర్ వ‌ర్మ వెల్ల‌డించారు.