దేశంలో పెట్టుబ‌డిదారుల‌ మ్యూచువల్ ఫండ్స్ (ఎంఎఫ్) ఖాతాలు 5 కోట్లకు చేరువలో ఉన్నాయి. ఏప్రిల్‌-జూన్ త్రైమాసికానికి ఎంఎఫ్ 12.61 ల‌క్ష‌ల ఖాతాలు కొత్త‌గా వ‌చ్చి జ‌త‌చేరాయి. దీంతో మొత్తం ఖాతాల సంఖ్య 4.89 కోట్లకు పెరిగాయి. ఈ వివరాలను మ్యూచువల్ ఫండ్స్ పరిశ్రమ సమాఖ్య యాంఫీ వెల్లడించింది. మొత్తం ఎంఎఫ్ ఖాతాల్లో 95 శాతం వాటాను ఆక్రమించిన రిటైల్ ఖాతాలు వరుసగా ఏడవ త్రైమాసికంలోనూ పెరుగుతూ వచ్చాయి.

కొత్త‌గా మ్యూచువ‌ల్ ఫండ్స్ ఖాతాలు తెరిచిన వారిలో ఎక్కువ శాతం మంది(76%) త‌మ పెట్టుబ‌డిని ఈక్విటీల్లో పెట్టారు. అధిక నిక‌ర విలువ క‌లిగిన‌వారు(హెచ్ఎన్ఐలు), అన‌గా రూ. 5 ల‌క్ష‌లకు మించి పెట్టుబడి క‌లిగిన‌వారి ఖాతాల సంఖ్య 19 ల‌క్ష‌ల‌కు చేరింది. జూన్ త్రైమాసికంలో ఈ ఖాతాల సంఖ్య 1.05 ల‌క్ష‌లుగా ఉంది.