ప్ర‌ముఖ ట్యాక్సీ సంస్థ ఉబ‌ర్ త‌న చైనా విభాగాన్ని పోటీదారు దుదీ చుక్సింగ్‌కు విక్ర‌యించ‌నుంది. దీంతో ప్ర‌పంచంలో రెండో అతిపెద్ద మార్కెట్‌గా ఉన్న చైనా క్యాబ్ వ్యాపారం నుంచి ఉబ‌ర్ త‌ప్పుకున్న‌ట్ల‌యింది. ఇప్ప‌టి నుంచి సంయుక్త సంస్థ‌తో త‌మ కార్య‌క‌లాపాల‌ను రెండు సంస్థ‌లు కొన‌సాగించ‌నున్న‌ట్లు తెలుస్తోంది. భార‌త్‌లో మాత్రం త‌మ పట్టును నిలుపుకునేందుకు ఉబ‌ర్ అన్ని ప్ర‌య‌త్నాలు చేస్తోంది.

చైనాలో ఉబ‌ర్‌కు ఎదురవుతున్న భారీ నష్టాలను తొలగించుకోవడానికి ఆ సంస్థ ఈ మేరకు నిర్ణ‌యించిన‌ట్లు తెలుస్తోంది. భవిష్యత్తులో తమ మనుగడును కొనసాగించడానికి ఈ ఒప్పందం ఉప‌యోగ‌ప‌డ‌గ‌ల‌ద‌ని ఉబ‌ర్‌ తెలిపింది. చైనా మార్కెట్ షేరును దక్కించుకోవడానికి, ఆధిపత్య స్థానంలో కొనసాగడానికి ఈ రెండు సంస్థలు బిలియన్ డాలర్లను డ్రైవర్లకు, ప్యాసెంజర్ల సబ్సిడీల కోసం వెచ్చిస్తూ వ‌స్తున్నాయి.