దీవాన్ హౌసింగ్‌

దీవాన్ హౌసింగ్ 9 శాతం వ‌ర‌కూ వ‌డ్డీని అందిస్తోంది.కేర్ అండ్ బీడ‌బ్ల్యాఆర్ ఈ కంపెనీ ఫిక్స్‌డ్ డిపాజిట్‌కు ఏఏఏ రేటింగ్ ఇచ్చాయి. అంటే ఇవి సుర‌క్షిత‌మైన‌వ‌ని అర్థం. 40 నెల‌ల డిపాజిట్ల‌కు 8.90 శాతం వ‌డ్డీని చెల్లిస్తున్నారు. మిగిలిన కాల‌ప‌రిమితి డిపాజిట్ల‌కు 8.75 శాతం వ‌డ్డీ అందిస్తారు. రూ. 50 ల‌క్ష‌ల పైబ‌డిన ఫిక్స్‌డ్ డిపాజిట్ల‌కు 9 శాతం వ‌ర‌కూ వ‌డ్డీ రేట్లు ఉన్నాయి.

బ‌జాజ్ ఫైనాన్స్‌

బ‌జాజ్ ఫైనాన్స్ క్యుములేటివ్ ఫిక్స్‌డ్ డిపాజిట్ల‌కు 18 నెల‌ల నుంచి 60 నెల‌ల కాలానికి 8.65 శాతం వ‌డ్డీ వ‌స్తుంది. బ్యాంకులు గ‌రిష్టంగా 7.50 శాతం వ‌ర‌కూ వ‌డ్డీని అందిస్తున్నాయి.

డిపాజిట్ల‌కు ఏఏఏ రేటింగ్ ఉండ‌టం మూలంగా ఇవి సురక్షిత‌మైన‌వ‌నే చెప్ప‌వ‌చ్చు. సీనియ‌ర్ సిటిజ‌న్స్‌కు అద‌నంగా 0.25 శాతంతో మొత్తం దాదాపు 9 శాతం వ‌ర‌కూ వ‌డ్డీ వ‌చ్చే అవ‌కాశం ఉంది.

మ‌హీంద్రా ఫైనాన్స్‌

మ‌హీంద్రా ఫైనాన్స్ 8.45 శాతం వ‌డ్డీని ఆఫ‌ర్ చేస్తోంది. డిపాజిట్ల‌కు ఏఏఏ రేటింగ్ ఉండ‌టం మూలంగా సుర‌క్షిత‌మైన ఎఫ్‌డీల కోవ‌లోకి ఇవి వ‌స్తాయి. చ‌క్ర‌వ‌డ్డీని ప‌రిగ‌ణ‌న‌లోకి తీసుకుంటే 60 నెల‌ల డిపాజిట్ల‌కు గ‌రిష్టంగా 10 శాతం వ‌ర‌కూ రాబ‌డి వ‌స్తుంది. రూ. 5 వేల డిపాజిట్‌పై 5 ఏళ్ల‌లో రూ. 7501 వ‌ర‌కూ వ‌స్తుంది.

హెచ్‌డీఎఫ్‌సీ డిపాజిట్లు

22 నెల‌ల డిపాజిట్‌కు హెచ్‌డీఎఫ్‌సీ 8.30 శాతం వ‌డ్డీని ఇస్తోంది. 44 నెల‌ల డిపాజిట్ల‌పై శాతం 8.30 శాతం వ‌డ్డీనే ఆఫ‌ర్ చేస్తున్నారు. ఇది బ్యాంకుల కంటే కాస్త అధిక‌మే. ఈ డిపాజిట్ల రేటింగ్ ఏఏఏగా ఉంది. త్రైమాసిక వ‌డ్డీ ప్లాన్ల‌లో 8.05 శాతం వ‌డ్డీ వ‌ర‌కూ మీరు పొందుతారు.

ఎల్ఐసీ హౌసింగ్ ఫైనాన్స్‌

క్యుములేటివ్ డిపాజిట్ ప‌థ‌కం కింద మీరు 8.25 శాతం వ‌డ్డీని పొంద‌గ‌ల‌రు. 5 ఏళ్ల డిపాజిట్ల‌కు ఇంకాస్త ఎక్కువ‌గా 8.35 శాతం వ‌డ్డీ వ‌స్తుంది. సీనియ‌ర్ సిటిజ‌న్ల‌కు సాధార‌ణ డిపాజిట్ల‌పై అద‌నంగా 0.25 శాతం వ‌డ్డీ వ‌స్తుంది.

పీఎన్‌బీ హౌసింగ్‌

48 నెల‌ల డిపాజిట్ల నుంచి 84 డిపాజిట్ల వ‌ర‌కూ పీఎన్‌బీ హౌసింగ్ ఫైనాన్స్ 8.25 శాతం వ‌ర‌కూ వ‌డ్డీని అందిస్తోంది. 10 ఏళ్ల డిపాజిట్ల‌కు రాబ‌డి 11.79 శాతం వ‌ర‌కూ ఉండొచ్చు. ఇవి చాలా సుర‌క్షిత‌మైన డిపాజిట్లు. పంజాబ్ నేష‌న‌ల్ బ్యాంకింగ్ ఏర్పాటు చేసిన ఉప సంస్థే పీఎన్‌బీ హౌసింగ్‌.

గృహ్ ఫైనాన్స్‌

36 నెల‌ల గృహ్ ఫైనాన్స్ డిఇపాజిట్ ద్వారా మీకు 8 శాతం రాబడి వ‌స్తుంది. ఇది అంత ఎక్కువ వ‌డ్డీ రేటు అనిపించ‌క‌పోయిన‌ప్ప‌టికీ దేశంలో చాలా బ్యాంకుల ఎఫ్‌డీ వ‌డ్డీ రేటు కంటే ఇది ఎక్కువ‌గానే ఉంది.