మింత్రా చేతికి జ‌బాంగ్‌: రూ.470 కోట్లు

News

oi-Chandrasekhar

By Chandrasekhar

| Published: Wednesday, July 27, 2016, 11:49 [IST]

ఫ్లిప్‌కార్ట్ అనుబంధ కంపెనీ మింత్రా పోటీదారు జబాంగ్‌ను రూ. 470 కోట్ల‌కు సొంతం చేసుకుంది. ఈ లావాదేవీ మొత్తం న‌గ‌దు రూపంలోనే జ‌రిగిందని జ‌బాంగ్ మాతృ సంస్థ గ్లోబ‌ల్ ఫ్యాష‌న్ గ్రూప్ వెల్ల‌డించింది.

* ప్ర‌ధాన పోటీదారులైన అమెజాన్‌, స్నాప్‌డీల్‌ల‌తో పోటీ ప‌డేందుకు ఫ్లిప్‌కార్ట్‌కు దారులు ఏర్ప‌డ‌తాయి.
* జ‌బాంగ్‌ను సొంతం చేసుకునేందుకు ఫ్యూచ‌ర్ గ్రూప్‌, ఆదిత్యా బిర్లా గ్రూప్‌, అమెజాన్‌, స్నాప్‌డీల్
సంస్థ‌లు ప్ర‌య‌త్నించిన‌ట్లు తెలుస్తోంది.
* మ‌హిళా దుస్తుల విభాగంలో జ‌బాంగ్‌కు మంచి ప‌ట్టుంది.
* దుస్తులు, పాద‌ర‌క్ష‌లు, ఫ్యాష‌న్ యాక్సెస‌రీస్‌, సౌంద‌ర్య సాధ‌నాలు, గృహాలంక‌ర‌ణ వ‌స్తువులు,
పర్‌ఫ్యూమ్స్‌, లైఫ్ స్టైల్ ఉత్ప‌త్లును జ‌బాంగ్ ప్ర‌ధానంగా విక్ర‌యిస్తుంది.
* 2014లో ఫ్లిప్‌కార్ట్ సంస్థ మింత్రాను కొనుగోలు చేసిన సంగ‌తి తెలిసిందే.
* జ‌బాంగ్ ఖాతాలో 1500 అంత‌ర్జాతీయ బ్రాండ్లు, స్టోర్స్ కంపెనీల ఉత్ప‌త్తులు, దేశీయ డిజైన‌ర్ లేబుళ్లు ఉన్నాయి.
* నెల‌వారీ 40 ల‌క్ష‌ల మంది యాక్టివ్ వినియోగ‌దారుల‌ను జ‌బాంగ్ క‌లిగి ఉంది.
* దేశీయ ఈ-కామ‌ర్స్ రంగంలో వ‌స్తున్న మార్పుల‌కు అనుగుణంగా మేము కూడా సాగుతున్నామ‌ని చెప్పేందుకు ఈ కొనుగోలు నిద‌ర్శ‌న‌మ‌ని ఫ్లిప్ కార్ట్ సీఈవో బ‌న్స‌ల్ అన్నారు.
* జ‌బాంగ్ విక్ర‌యం ద్వారా వ్యాపారాల‌ను మ‌రింత విస్త‌రించ‌డంతో పాటు బ్రాండు రిలేష‌న్ల‌ను పెంచ‌డం, వినియోగ‌దారులకు స‌రికొత్త అనుభ‌వాల‌ను అందించేందుకు సాధ్య‌ప‌డుతుంద‌ని మింత్రా సీఈవో అనంత్ నారాయ‌ణ్ చెప్పుకొచ్చారు.