వ‌చ్చే కొన్ని వారాల్లో బ్యాంకు ఖాతాల మ‌ధ్య న‌గ‌దు బ‌దిలీని స్మార్ట్‌ఫోన్ల ద్వారా మ‌రింత సుల‌భ‌త‌రం చేయ‌నున్న‌ట్లు ఆర్‌బీఐ ప్ర‌క‌టించింది. ఐడీఆర్‌బీటీ(ఇనిస్టిట్యూట్ ఫ‌ర్ డెవ‌ల‌ప్‌మెంట్ అండ్ రీసెర్చి ఇన్ బ్యాంకింగ్ టెక్నాల‌జీ) అవార్డుల ప్ర‌ధానోత్స‌వ కార్య‌క్రమంలో ఆర్‌బీఐ గ‌వ‌ర్న‌ర్ ర‌ఘురామ్ రాజ‌న్ ఈ విష‌యాన్ని వెల్ల‌డించారు. అవ‌స‌ర‌మైతే డిజిట‌ల్ లావాదేవీలు చేసే వ్యాపారుల‌కు ప‌న్ను ప్ర‌యోజ‌నాలు క‌ల్పించే అంశాన్ని సైతం ప‌రిశీలిస్తున్న‌ట్లు తెలిపారు.

దేశంలో మొబైల్ వాడ‌కం పెరుగుతున్న కొద్దీ, యూఎస్ఎస్‌డీ విధాన‌మైన *99# , యునిఫైడ్ పేమెంట్ ఇంట‌ర్‌ఫేస్ విధానాల ద్వారా ప్ర‌జ‌ల‌కు మెరుగైన సేవ‌ల‌ను అందించాల‌ని ఆయ‌న బ్యాంక‌ర్ల‌కు సూచించారు. "స్మార్ట్‌ఫోన్ విరివిగా అందుబాటులో ఉంటున్నందున‌ యూనిఫైడ్ పేమెంట్ ఇంట‌ర్‌ఫేస్‌(యూపీఐ) ప‌ట్ల నేను చాలా ఆస‌క్తిగా ఉన్నాను. ఈ విధానం ద్వారా బ్యాంకు ఖాతాల మ‌ధ్య న‌గ‌దు బ‌దిలీ సులువు అవుతుంది." అని ఆర్‌బీఐ గ‌వ‌ర్న‌ర్ అన్నారు.