ప్ర‌భుత్వ రంగ బ్యాంకుల్లో ఉద్దేశ‌పూర్వ‌క ఎగ‌వేత‌దార్ల‌ను ప్ర‌భుత్వం ర‌క్షిస్తోంద‌ని ఆరోపిస్తూ, 7 వేల మంది ఉద్దేశ‌పూర్వ‌క ఎగ‌వేతదార్ల పేర్ల‌ను రేపు వెల్ల‌డిస్తామ‌ని ఆల్ ఇండియా బ్యాంక్ ఉద్యోగుల సంఘం(ఏఐబీఈఏ) ప్ర‌క‌టించింది. కార్పొరేట్ ఎగ‌వేత‌దార్ల‌పై ప్ర‌భుత్వం మెత‌క‌వైఖ‌రి అవ‌లంబిస్తోంద‌ని ఏఐబీఈఏ ప్ర‌ధాన కార్య‌ద‌ర్శి సీహెచ్ వెంక‌టాచ‌లం అహ్మ‌దాబాద్‌లో మీడియా స‌మావేశంలో వెల్ల‌డించారు. "ప్ర‌భుత్వ రంగ బ్యాంకుల‌కు సంబంధించి 7000 మంది ఉద్దేశ‌పూర్వ‌క పూర్వ‌క ఎగ‌వేత‌దార్లున్నారు. మార్చి,2016 నాటికి వారంతా క‌లిసి బ్యాంకుల‌కు 70 వేల కోట్ల రూపాయ‌ల‌ను మోసం చేసారు. వారిని ప్ర‌జ‌ల ముందుంచాలి. ఇందుకోసం బ్యాంకు యూనియ‌న్లు నేతృత్వం వ‌హిస్తాయి." అని వెంక‌టాచ‌లం చెప్పారు.