మొబైల్ అప్లికేష‌న్‌

ఏదైనా ఆర్థిక సంవ‌త్స‌రానికి సంబంధించి చందా వివరాల‌ను తెలుసుకోవాలంటే ఎన్‌పీఎస్ చందాదారుడు మొదట అభ్య‌ర్థ‌న చేయాలి. న‌మోదయిన మెయిల్ ఐడీకి స‌మాచారం అందుతుంది. ప‌థ‌కానికి సంబంధించిన తాజా ఎన్ఏవీ(నెట్ అసెట్ వాల్యూ) , చివ‌రి ఐదు క్రెడిట్ స‌మాచారాలు, కాంటాక్ట్ వివ‌రాల‌(మొబైల్ నంబ‌రు, మెయిల్ ఐడీ)ను మార్చుకోవ‌డం, పాస్ వ‌ర్డ్ మార్పు వంటివి మొబైల్ యాప్ ద్వారా చేసుకోవ‌చ్చు.

ఆధార్ అథెంటికేష‌న్ ద్వారా చిరునామా మార్పు

ఆధార్ ఆధారిత అథెంటికేష‌న్ ద్వారా ఎన్‌పీఎస్ చందాదారులు చిరునామా మార్పును చేసుకోవ‌చ్చు.

ఆధార్ వ్య‌వ‌స్థ‌లో ఉన్న చిరునామా, మొబైల్ లేదా మెయిల్‌కు వచ్చే ఓటీపీ వివ‌రాల‌ను స‌మ‌ర్పించ‌డం ద్వారా చిరునామా మార్పు పూర్త‌వుతుంది. నియంత్ర‌ణ సంస్థ సెంట్ర‌ల్ రికార్డింగ్ ఏజెన్సీ నుంచి వివ‌రాల‌ను సేక‌రిస్తుంది.

స్కీమ్ ప్రాధాన్య‌త మార్పు సౌక‌ర్యం

ఆన్‌లైన్‌లో లాగిన్ అయిన త‌ర్వాత చందాదారుడు స్కీమ్ మార్పు చేసుకునేందుకు సైతం వీలుంటుంది. ఇందుకోసం మొబైల్‌కు ఓటీపీ వ‌స్తుంది. ఓటీపీ అథెంటిఫికేష‌న్ పూర్త‌యిన త‌ర్వాత పీఎఫ్ఎమ్‌, అసెట్ క్లాస్‌, అల్లొకేష‌న్ రేషియో, స్కీమ్ ఆప్ష‌న్ల‌ను మార్చుకోవ‌చ్చు.

ఈఎన్‌పీఎస్ ద్వారా యాక్టివేష‌న్‌

టైర్‌1 ఎన్‌పీఎస్ ఖాతా క‌లిగిన ఎవ‌రైనా టైర్2 ఖాతాను ఆన్‌లైన్‌లో తెర‌వొచ్చు. ఇందుకోసం ప్రాన్‌, పుట్టిన తేదీ, పాన్ సంఖ్య‌ల‌ను ఎంట‌ర్ చేసి ఈఎన్‌పీఎస్ ద్వారా టైర్‌2 ఖాతాను తెరిచే వీలుంది.

కేవైసీ రీ-వెరిఫికేష‌న్‌

ఇదివ‌ర‌కూ కేవైసీ వెరిఫికేష‌న్ పూర్తికాని వారికి, నిర్దార‌ణ కాని వారికి, తిర‌స్క‌ర‌ణ అయిన వారికి ఇదో మంచి అవ‌కాశం. చిరునామా, కేవైసీల‌ను ఆధార్ ఆధారిత గుర్తింపు ద్వారా త్వ‌ర‌గా పూర్తి చేయ‌వ‌చ్చు. ఇందుకోసం ఈఎన్‌పీఎస్ వెబ్‌సైట్‌లో అప్‌డేట్ డిటైల్స్ పైన క్లిక్ చేసి త‌దుప‌రి ప్ర‌క్రియ పూర్తిచేయాలి.

ఆన్‌లైన్ కంట్రిబ్యూష‌న్‌

ఇంత‌కుముందు చందాదారులు ఆన్‌లైన్ మోడ్ కోసం ఈఎన్‌పీఎస్ పోర్ట‌ల్ ద్వారానే చేసే వీలుంది. ప్ర‌స్తుతం సెంట్ర‌ల్ రికార్డింగ్ ఏజెన్సీలో ఐపిన్ వివ‌రాల‌ను ఉప‌యోగించి సైతం చేసే సౌక‌ర్యం వ‌చ్చింది.

టైర్ 2 ఖాతా నుంచి విత్‌డ్రా

వెబ్‌సైట్‌లో లాగిన్ అయి, ఓటీపీ ఉప‌యోగించి ఎన్‌పీఎస్ చందాదారులు టైర్‌2 ఖాతా నుంచి విత్‌డ్రా చేసుకోవ‌చ్చు.

ఇంత‌కుముందు ఎన్‌పీఎస్ టైర్ 2 విత్‌డ్రాయ‌ల్స్ కోసం పాయింట్స్ ఆఫ్ ఫ్రెజెన్స్ లేదా నోడ‌ల్ కార్యాల‌యాల‌కు వెళ్లాల్సి వ‌చ్చేది.