నాలుగో ద‌శ సార్వ‌భౌమ బంగారు బాండ్ల ప‌థ‌కం జులై 18 నుంచి ప్రారంభం కానుంది. ఇందుకోసం ద‌ర‌ఖాస్తుల‌ను జులై 18 నుంచి జులై 22 మ‌ధ్య స్వీక‌రించ‌నున్నారు. ఆగ‌స్టు 5 న బాండ్ల కేటాయింపు జ‌రుగుతుంద‌ని ఆర్థిక శాఖ గురువారం ఒక ప్ర‌క‌ట‌న‌లో వెల్ల‌డించింది.

* ఈ బాండ్ల‌ను బ్యాంకులు, స్టాక్ హోల్డింగ్ కార్పొరేష‌న్ ఆఫ్ ఇండియా లిమిటెడ్‌, నిర్దేశిత పోస్టాఫీసు కార్యాల‌యాలు, గుర్తింపు పొందిన స్టాక్ ఎక్స్చేంజీలైన ఎన్ఎస్ఈ, బీఎస్ఈ వంటి వాటి ద్వారా అందుబాటులో ఉంచుతారు.
* ప్ర‌భుత్వ సెక్యూరిటీల‌ను గ్రాముల బంగారం రూపంలో అమ్మ‌డాన్నే సార్వ‌భౌమ బాండ్లుగా వ్య‌వ‌హ‌రిస్తున్నారు.
* నాలుగో ద‌శ నుంచి క‌నీస ప‌రిమాణాన్ని 2 గ్రాముల నుంచి 1 గ్రాముకు త‌గ్గించారు. ఈ బాండ్ల‌ను ప్ర‌భుత్వం త‌ర‌పున ఆర్‌బీఐ విడుద‌ల చేస్తుంది.
* 2016-17 ఆర్థిక సంవ‌త్స‌రంలో మొద‌టిసారి విడుద‌ల చేస్తున్న బాండ్లు కావ‌డంతో ఈ ఏడాది మొత్తానికి సంబంధించిన ప‌రిమితి ఇప్ప‌టి నుంచి వ‌చ్చే ఏడాది మార్చి నెల వ‌ర‌కూ 500 గ్రాములుగా వ‌ర్తించ‌నుంది.
అంటే ఇప్ప‌టి నుంచి ఆర్థిక సంవ‌త్స‌రం ముగిసే వ‌ర‌కూ ప్ర‌తి వ్య‌క్తి వారి అర్హ‌త‌ల‌ను బ‌ట్టి 500 గ్రాముల వ‌ర‌కూ బంగారు బాండ్ల‌లో పెట్టుబ‌డే పెట్టే వీలుంది.