క్రెడిట్ కార్డు చెల్లింపులు

ఏటీఎమ్‌ను క్రెడిట్ కార్డు బిల్లు చెల్లింపుల కోసం సైతం ఉప‌యోగించుకోవ‌చ్చు. ఇది చాలా సుల‌భ విధానం. ఉదాహ‌ర‌ణ‌కు ఐసీఐసీఐ లేదా హెచ్‌డీఎఫ్‌సీ బ్యాంకు ఏటీఎమ్‌ల‌లోకి వెళితే 'పే యువ‌ర్ క్రెడిట్ కార్డ్ బిల్' అనే ఆప్ష‌న్ క‌న‌బ‌డుతుంది. అక్క‌డ మీరు చెల్లించాల్సిన సొమ్ము వివ‌రాలు, క్రెడిట్ కార్డు నంబ‌రు న‌మోదు చేస్తే స‌రిపోతుంది. మీ ఖాతాలోంచి నేరుగా డ‌బ్బు డెబిట్ అవుతుంది. ర‌సీదును భ‌విష్య‌త్తు అవ‌స‌రాల కోసం ఉంచుకోవ‌చ్చు.

యుటిలిటీ బిల్లు చెల్లింపులు

టెలిఫోన్‌, విద్యుత్ బిల్లులు, బీమా ప్రీమియంలు వంటివ‌న్నీ ఏటీఎమ్‌ల్లో చెల్లించేందుకు చాలా బ్యాంకులు అవ‌కాశం క‌ల్పిస్తున్నాయి. తుది గ‌డువులోగా చెల్లింపులు చేసేందుకు వీలుంటుంది.

పన్ను చెల్లింపులు

బ్యాంకు ద్వారా ఈ సేవ‌ను పొందేందుకు మొద‌టిసారి బ్యాంకు వ‌ద్ద న‌మోదు చేసుకోవాల్సి ఉంటుంది. ప్ర‌త్య‌క్ష పన్నుల‌ను ఏటీఎమ్‌ల ద్వారా చెల్లించ‌వ‌చ్చు. మీరు చెల్లించాల్సిన సొమ్ము ఖాతా నుంచి డెబిట్ అయి, ఎస్ఐఎన్‌తో కూడిన ర‌సీదు వ‌స్తుంది. పన్ను రిట‌ర్నుల‌ను ఆన్‌లైన్‌లో స‌మ‌ర్పిస్తుంటే ఇది అవ‌స‌రం అవుతుంది.

మొబైల్ రీచార్జీ

మీ మొబైల్ రీచార్జీ చేసుకునేందుకు రిటైల‌ర్ల ద‌గ్గ‌ర‌కి వెళ్లాల్సిన అవ‌స‌రం లేదు. ఏటీఎమ్‌ల్లోకి వెళ్లి మీకు అవ‌స‌ర‌మైనంత సొమ్ముకు రిచార్జీని చేసుకోవ‌చ్చు

చెక్కు పుస్త‌కం కోసం అభ్య‌ర్థించ‌డం

ఏటీఎమ్ నుంచి చెక్కు పుస్త‌కం కోసం అభ్య‌ర్థించ‌వ‌చ్చు. అయితే ఖాతాలో ఉండే చిరునామా స‌రిగా ఉందో లేదో చూసుకోండి. చాలా బ్యాంకులు అక్క‌డ ఉన్న చిరునామాకే చెక్కు పుస్త‌కాన్ని పంపుతాయి.