న్యూఢిల్లీ: రిపబ్లిక్ డే వేడుకను పురస్కరించుకుని ప్రముఖ టెలికం సర్వీసుల సంస్ధ టెలినార్ వినియోగదారులకు ఉచితంగా ఇంటర్నెట్ సర్వీసులను అందిస్తున్నట్లు ప్రకటించింది. జనవరి 26 ఉదయం 12.01 గంటల నుంచి అర్ధరాత్రి 23.59 గంటల వరకు ఇంటర్నెట్ సేవలను ఉచితంగా వినియోగించుకోవచ్చని అందులో పేర్కొంది.

దీనిపై ఆంధ్రప్రదేశ్, తెలంగాణ సర్కిల్ బిజినెస్ హెడ్ శ్రీనాథ్ మాట్లాడుతూ ప్రస్తుతం ఇంటర్నెట్‌ను వాడుతున్న, వినియోగించకపోయిన చందాదారులైనా ఉచితంగా ఇంటర్నెట్‌ను వినియోగించవచ్చని ఆయన తెలిపారు. ఉచితంగా ఇంటర్నెట్ సేవలు పొందాలంటే వినియోగదారుడు 1925కి డయిల్ చేయాల్సి ఉంటుందన్నారు.

రిపబ్లిక్ డే వేడుక సందర్భంగా వినియోగదారులకు ఉచితంగా ఇంటర్నెట్ సర్వీసులు అందించాలనే ఉద్దేశంతో ఈ నిర్ణయం తీసుకోవడం జరిగిందని ఆయన పేర్కొన్నారు.