అమ్మకానికి సత్య నాదెళ్ల ఇల్లు

మైక్రోసాప్ట్ సీఈఓ సత్య నాదెళ్ల ఇల్లు ఈ వారంతంలో అమ్మకానికి రానుంది. సుమారు 15 ఏళ్ల కింద కొనుగోలు చేసిన తన ఇంటిని సత్య నాదెళ్ల అమ్మకానికి పెట్టారు. వాషింగ్టన్‌లోని సియోటెల్ ప్రాంతంలో 2000 ఆగస్టులో 1.38 మిలియన్‌ డాలర్ల (ప్రస్తుత డాలర్‌ విలువ ప్రకారం సుమారు రూ.9.1 కోట్లు)కు సత్య నాదెళ్ల కొనుగోలు చేశారు.

అమ్మకానికి సత్య నాదెళ్ల ఇల్లు

ఇప్పుడు అదే ఇంటిని 3.488 మిలియన్‌ డాలర్ల (సుమారు రూ.23.1 కోట్లు)కు విక్రయించాలని సత్య నాదెళ్ల నిర్ణయించినట్లు లాస్‌ ఏంజెలెస్‌ టైమ్స్‌ పత్రిక కథనాన్ని ఉటంకిస్తూ బిజినెస్‌ ఇన్‌సైడర్‌ వార్తాపత్రిక తెలిపింది. వాషింగ్టన్‌లోని క్లైడీ హిల్‌లోని కింగ్స్ కంట్రీలో ఈ ఇల్లు ఉంది.

అమ్మకానికి సత్య నాదెళ్ల ఇల్లు

కేవలం ఒక కుటుంబం మాత్రమే నివసించేందుకు అనుకూలంగా ఉండే ఈ ఇల్లు 4 పడక గదులు, 3 బాత్ రూమ్‌లను కలిగి ఉంది. అంతేకాదు రెడ్ ఫిన్‌లో నమోదైన ఈ ఇల్లు మొత్తం అర ఎకరంలో ఉండగా 4,000 చదరపు అడుగుల ఖాళీ స్థలం కూడా ఉంది.

అమ్మకానికి సత్య నాదెళ్ల ఇల్లు

లేక్ వాషింగ్టన్‌ను వీక్షించే వీలుగా ఉన్న ఈ ఇల్లు ఫ్లోర్ సీలింగ్‌ను కూడా కలిగి ఉంది. ఈ ఇంటిలోనుంచి సీటెల్ స్కైలైన్, ఒలంపింక్ మౌంటెన్స్‌ను కూడా వీక్షించవచ్చు. గత 15 సంవత్సరాలుగా సత్య నాదెళ్ల ఈ ఇంటిలోనే నివసించారు. 1963లో ఈ ఇంటిని నిర్మించారు.