న్యూఢిల్లీ: సుమారు రెండు దశాబ్దాల విరామం తర్వాత రెండేళ్ల క్రితం రూపాయి నోట్లను చెలామణిలోకి కేంద్ర ఆర్ధిక శాఖ తీసుకొచ్చిన సంగతి తెలిసిందే. గత రండేళ్లలో సుమారు 16 కోట్ల రూపాయి నోట్లను ఆర్ధిక శాఖ జారీ చేసింది. తాజాగా ఢిల్లీ, ముంబైకి చెందిన ఇద్దరు సమాచార హక్కు కార్యకర్తలు గత 20 ఏళ్లలో ఎన్ని రూపాయి నోట్ల జారీ అయ్యాయని ఆర్ధిక శాఖను కోరారు.

1994-95లో 4 కోట్ల రూపాయి నోట్లను జారీ చేసామని, ఇందు కోసం రూ. 59,40,059 వరకు ఖర్చయ్యిందని ఆర్ధిక శాఖ వెల్లడించింది. అంటే ఒక రూ.1 నోటు తయారీ కోసం రూ.1.48 వరకు వ్యయమైంది. ఆ తర్వాత 2014-15లో 5 కోట్ల రూపాయి నోట్లు, ఈ ఆర్థిక సంవత్సరంలో 15.5 కోట్ల రూపాయి నోట్లు ముద్రించినట్లు ఆర్థిక శాఖ వెల్లడించింది.

రెండు దశాబ్దాల తర్వాత ఇంత వ్యయంతో రూపాయి నోట్లను జారీ చేయడం రిజర్వ్ బ్యాంక్ ఆఫ్ ఇండియా (ఆర్‌బీఐ)కి ఇష్టం లేకున్నా, యుపిఎ ప్రభుత్వం బలవంతంగా వీటి ముద్రణ ప్రారంభించిందని సమాచార కార్యకర్త అగర్వాల్‌ ఆరోపించారు.