వడ్డీరేట్లను పావుశాతం పెంచిన అమెరికా ఫెడ్

ప్రస్తుతం యూఎస్ వడ్డీ రేటు కనిష్ఠంగా 0, గరిష్ఠంగా 0.25 శాతం ఉండగా, దాన్ని 0.25 శాతం నుంచి 0.50 శాతానికి పెంచుతున్నట్టు వివరించారు. "అమెరికా ఆర్థిక వ్యవస్థ పనితీరు సంతృప్తికరంగా ఉంది. కమిటీ న్యాయ నిపుణులు స్వల్పంగానైనా ఫెడరల్ ఫండ్ రేట్లు పెంచాలని భావించారు" అని యెల్లెన్ మీడియాకు వివరించారు.

వడ్డీరేట్లను పావుశాతం పెంచిన అమెరికా ఫెడ్

లేబర్ మార్కెట్ పరిస్థితులు సైతం మెరుగ్గా ఉన్నాయని, నిరుద్యోగ రేటు 5 శాతం కన్నా కిందకు వచ్చిందని, ద్రవ్యోల్బణం సమీప భవిష్యత్తులో 2 శాతాన్ని మించవన్న అంచనాలు సైతం వడ్డీ పెంపు నిర్ణయానికి సహకరించాయని ఆమె పేర్కొన్నారు.

వడ్డీరేట్లను పావుశాతం పెంచిన అమెరికా ఫెడ్

ఫెడ్ వడ్డీరేట్ల పెంపు భారత్‌పై తీవ్ర ప్రభావం చూపనుంది. ఫెడ్ రేట్ల పెంపు అంచనాలతో ఇండియన్ ఈక్విటీ, బాండ్ మార్కెట్లు గడిచిన రెండు వారాల నుంచి తీవ్ర ఒడిదుడుకులను ఎదుర్కొంటున్నాయి. దేశీయ కార్పొరేట్ కంపెనీలు విదేశాల నుంచి సేకరించిన రుణాల భారం మరింత పెరగనుంది.

వడ్డీరేట్లను పావుశాతం పెంచిన అమెరికా ఫెడ్

ఎందుకంటే ఫెడ్ రేట్ల పెరుగుదలతో రుణాలపై విధించే వడ్డీరేట్లు కూడా పెరగనున్నాయి. అంతేకాదు అంతర్జాతీయ మార్కెట్లో అమెరికన్ డాలర్ విలువ మరింత పెరగనుంది, దీంతో డాలర్ రూపంలో రుణాలను తిరిగి చెల్లించాల్సి వచ్చినప్పుడు స్థానిక కర్సెన్సీ రూపంలో గతంలో కంటే అధికంగా వెచ్చించాల్సి ఉంటుంది.

వడ్డీరేట్లను పావుశాతం పెంచిన అమెరికా ఫెడ్

గతంలో మూడుసార్లు ఫెడ్‌ రిజర్వ్ వడ్డీరేట్లను పెంచినప్పుడు మూడునెలలపాటు వర్ధమాన దేశాలన్నింటిలోకెల్లా భారత మార్కెట్లే అత్యుత్తమ పనితీరు కనబర్చాయి. కానీ కార్పొరేట్ కంపెనీల విదేశీ రుణభారం గుట్టల్లా పేరుకుపోయిన నేపథ్యంలో ఈసారి మన మార్కెట్లు ర్యాలీ తీయకపోవచ్చని విశ్లేషకులు భావిస్తున్నారు.