చెన్నై: ఇన్ఫోసిస్‌లో చీఫ్ ఫైనాన్షియల్ ఆఫీసర్‌గా పని చేసి, ఆ పదవికి ఇటీవలే రాజీనామా చేసిన వీ. బాలకృష్ణన్ చెన్నై కేంద్రంగా పని చేస్తున్న కార్ టెక్నాలజీస్‌లో చేశారు. ఆయన బోర్డులో స్వతంత్ర డైరెక్టర్‌గా చేరారని, సంస్థ ఆడిట్ కమిటీకి హెడ్‌గా విధులను చేపట్టనున్నారని కార్ టెక్నాలజీస్ సీఈఓ మారన్ నాగరాజన్ తెలిపారు.

ఈ సందర్భంగా బాలకు ఆనందంగా స్వాగతం పలుకుతున్నామని ఆయన తెలిపారు. 2020లోగా సంస్థను రూ. 1000 కోట్ల ఆదాయం వచ్చే స్థితికి తీసుకెళ్లే లక్ష్యంతో ప్రణాళికలు రూపొందిస్తున్నామని, ఇందుకు గాను బాలకృష్ణన్ అనుభవం ఎంతో ముఖ్యమని ఆయన తెలిపారు.

2020కల్లా పబ్లిక్ లిస్టెడ్ కంపెనీగా ఎదిగేందుకు నిధులను సేకరిస్తున్నామని అన్నారు. ప్రస్తుతం ఏడాదికి 50 శాతానికి పైగా వృద్ధితో తమ సంస్థ సాగుతోందని తెలిపారు. బాలకృష్ణన్ 1991లో ఇన్ఫోసిస్‌లోచేరారు. ఆ తరువాత ఇన్ఫోసిస్‌ చీఫ్‌ ఫైనాన్షియల్‌ ఆఫీసర్‌గా ఎదిగారు. ఇన్ఫోసిస్ చీఫ్‌ ఎగ్జిక్యూటివ్‌ ఆఫీసర్‌ పదవికి సైతం అర్హతను సాధించారు.