బీజింగ్: చైనాలో బిలియనీర్ల సంఖ్య పెరుగుతోంది. ఈ విషయంలో అమెరికాను కూడా మించిపోయింది ఈ కమ్యూనిస్ట్ దేశం. అమెరికాలో 537 మంది బిలియనీర్లు ఉండగా.. చైనాలో మాత్రం ఆ సంఖ్య అంతకుమించి ఉంది.

చైనా బిలియనీర్ల సంఖ్య 596కు చేరుకుంది. గత ఏడాది కాలంలో చైనాలో ధనవంతుల సంఖ్య పెరుగుతూ వస్తోంది. ముఖ్యంగా సాంకేతికత, తయారీరంగాల్లో బాగా వృద్ధి కనిపించింది. దేశంలో ఆర్థిక వ్యవస్థ మందగమనంలో ఉంది.

అయినప్పటికీ చైనాలో బిలియనీర్ల సంఖ్య బాగా పెరిగిందని గురువారం నాడు ఓ సర్వేలో వెల్లడైంది. హాంకాంగ్ అండ్ మకావూన్‌క చెందిన 119 బిలియనీర్లను కూడా కలుపుకుంటే ఆ సంఖ్య 717కు చేరుకుంటుందని చెబుతున్నారు.