లైఫ్ ఇన్సూరెన్స్ కార్పోరేషన్ ఆఫ్ ఇండియా (ఎల్‌ఐసీ) జీవిత బీమా, పెట్టుబడికి అవకాశం ఉండే సరికొత్త ఎండోమెంట్ ప్లస్, యూనిట్ ఆధారిత బీమా పాలసీ(యులిప్)ని బుధవారం ప్రారంభనుంది. ఈ పథకం జీవిత బీమా కల్పించడంతో పాటు, పెట్టుబడికి తగిన ప్రతిఫలాన్ని అందిస్తుందని ఎల్‌ఐసీ సీనియర్ డివిజనల్ మేనేజర్ (నాగపూర్) ఆర్. చందా మంగళవారం తెలిపారు.

ఆ సందర్భంగా ఆయన మాట్లాడుతూ బాండ్, సెక్యూర్డ్, బ్యాలెన్స్, గ్రోత్ వంటి నాలుగు రకాల ఫండ్లలో ఏవైనా ఎంచుకోవచ్చని, అంతేకాకుండా అవసరాన్ని బట్టి ఒక ఫండ్ నుంచి మరో ఫండ్‌కు మారే వెసులుబాటుని కూడా కల్పిస్తున్నామని ఆయన వెల్లడించారు. ఈ కొత్త పథకంలోని అన్ని స్కీములకు నికర విలువను రూ. 10గా నిర్ణయించారు.

యులిప్ ప్రయోజనాలు:

* పాలసీ ప్రారంభ తేదీకి ముందే పాలసీదారులు మరణిస్తే, వారి ఫండ్ విలువకు సమానమైన మొత్తాన్ని చెల్లిస్తారు.
* పాలసీ ప్రారంభ తేదీ తర్వాత మరణిస్తే హామీ ఇచ్చిన మొత్తం లేదా ఫండ్ విలువ ఏది ఎక్కువ అయితే అది లభిస్తుంది.
* ఇందులో అదనంగా ప్రీమియం చెల్లించి ప్రమాద బీమా కూడా పొందే వెలులుబాటు కూడా ఉంది.