విజయవాడ కేంద్రంగా కార్యకలాపాలు సాగిస్తున్న ఎయిర్‌ కోస్టా స్వాతంత్ర్య దినోత్సవాన్ని పురస్కరించుకుని ప్రయాణికులకు ప్రత్యేక ఆఫర్‌ను ఎయిర్‌కోస్టా ప్రకటించింది. ప్రతి టికెట్‌పైనా 609 రూపాయల డిస్కౌంట్‌ను ఇస్తున్నట్టు కంపెనీ ఆదివారం తెలిపింది.

ఈ నెల 10వ తేదీ నుంచి 14వ వరకు బుక్‌ చేసుకునే ఎకానమీ, ఎకానమీ ప్లస్ క్లాస్‌లో ప్రతి టికెట్లకు ఈ ఆఫర్ వర్తిస్తుందని ఒక ప్రకటనలో పేర్కొంది. ఆఫర్‌లో భాగంగా టికెట్‌ బుక్‌ చేసుకున్న వారు ఆగస్టు 20వ తేదీ నుంచి సెప్టెంబర్‌ 30వ తేదీ వరకు ప్రయాణించవచ్చు.

చెన్నై, బెంగళూరు, హైదరాబాద్‌, జైపూర్‌, అహ్మదాబాద్‌, తిరుపతి, కోయంబత్తూర్‌, విశాఖపట్నం, విజయవాడకు ఎయిర్‌కోస్టా విమానాలను నడిపిస్తోంది.