ముంబై: రుణ మాఫీ పైన ఆర్బీఐ డిప్యూటీ గవర్నర్ హెఆర్ ఖాన్ ఆదివారం నాడు ఆసక్తికర వ్యాఖ్యలు చేశారు. రైతు ఆత్మహత్యలపై ఆయన మాట్లాడారు. రైతు ఆత్మహత్యలకు రుణభారం ఒక్కటే కారణం కాదన్నారు. వ్యవసాయ రంగ అభివృద్ధఇతో రైతు ఆత్మహత్యలను నివారించవచ్చునని చెప్పారు.

ఏ సమస్యకైనా చికిత్స కన్నా నివారణ ముఖ్యమన్నారు. తప్పని పరిస్థితుల్లోనే రుణమాఫీ చేయవచ్చునని, ప్రభుత్వాలు ఇదే మార్గాన్ని అవలంభించడం మంచిదని చెప్పారు. రైతులకు సంక్షోభాలు తలెత్తకుండా దీర్ఘకాలిక చర్యలు చేపట్టాలన్నారు.

రైతుల కోసం ప్రభుత్వం కొత్త భీమా పథకాన్ని తీసుకు రానున్నదని, దీనిపై ఇప్పటికే ఆర్బీఐ తన అభిప్రాయాలను వెల్లడించిందన్నారు. ఇప్పటికే దేశంలో జాతీయ భీమా పథకం ఉందని, త్వరలో వాతావరణం ఆధారిత భీమా పథకాన్ని, ఆధారిత భీమా పథకాన్ని ప్రవేశ పెట్టాలని కసరత్తు సాగుతోందన్నారు.