హెచ్‌1-బి వీసా నిబంధనలను అతిక్రమించాయనే విషయంలో భారత్‌ ఐటీ దిగ్గజాలు టీసీఎస్, ఇన్ఫోసిస్‌లపై అమెరికా ప్రభుత్వం విచారణ చేపట్టింది. దీనికి సంబంధించిన వార్తా కథనాన్ని న్యూయార్క్ టైమ్స్‌లో ప్రచురించింది.

అమెరికన్ ఉద్యోగులను విధుల నుంచి తొలగించి హెచ్‌1-బి వీసాలున్న భారతీయులను ఈ కంపెనీలు చేర్చుకుంటున్నాయన్నది ప్రధార ఆరోపణ. ఈ నేపథ్యంలో యూఎస్ డిపార్ట్‌మెంట్ ఆఫ్ లేబర్ ఆధ్వర్యంలో విచారణ ప్రారంభమైందని న్యూయార్క్ టైమ్స్ వెల్లడించింది.

సుమారు 500 మంది ఉద్యోగులను తొలగించిన ఈ సంస్ధలు, వారి స్ధానంలో తాత్కాలిక వర్క్ వీసాలున్న వారిని నియమించినట్టు సెనెటర్ రిచర్డ్ డుబ్రిన్ ఆరోపించారు. హెచ్‌1-బి వీసా నిబంధనలను అతిక్రమించాయని, అమెరికా ప్రభుత్వం విచారణ చేపట్టిందని వార్తలు స్టాక్ మార్కెట్లలో ఈ రెండు కంపెనీలు ఈక్విటీలను దిగజార్చాయి.

మధ్యాహ్నాం 12.30 గంటల వరకూ లాభాల్లో ఉన్న రెండు కంపెనీల ఈక్విటీ విలువ అరగంట వ్యవధిలో ఒకశాతానికి పైగా పడిపోయాయి. స్టాక్ మార్కెట్లు ముగిసే సమయానికి టీసీఎస్ 2 శాతం నష్టంతో 2,520 వద్ద ముగియగా, ఇన్పోసిస్ 0.98 శాతంతో 1978 వద్ద ముగిసింది.