ప్రముఖ విమానయాన సంస్ధ స్పెస్‌జెట్ కస్టమర్లకు బంపర్ ఆఫర్‌ను ప్రకటించింది. మే 23 నాటికి స్పెస్‌జెట్ విమానం గాల్లోకి ఎగిరి పదేళ్లు పూర్తి కావస్తున్నందున ప్రయాణీకులకు రూ. 1010కే ప్రారంభ ధర టిక్కెట్లను అందుబాటులో ఉంచింది

ఈ ఆఫర్ కేవలం మూడు రోజుల పాటే కస్టమర్లకు అందుబాటులో ఉంటుందని పేర్కొంది. జులై 1 నుంచి అక్టోబర్ 15 మధ్య కాలంలో ఈ ఆఫర్‌ను వినియోగించుకుని మే 21 అర్ధరాత్రి వరకు టిక్కెట్లను బుక్ చేసుకోవచ్చని స్పైస్ జెట్ ఒక ప్రకటనలో పేర్కొంది.

2005 మే 23న స్పైస్ జెట్‌కు చెందిన బోయింగ్ 737 విమానం అహ్మదాబాద్ - ఢిల్లీ మధ్య గాల్లోకి ఎగిరింది. ఆరోజు నుంచి ఈరోజు వరకు ఎలాంటి అవాంతరాలు లేకుండా 10 సంవత్సరాల పాటు స్పైస్ జెట్‌ ప్రయాణీకులకు సేవలందిస్తోంది.

స్పైస్ జెట్‌ సంస్ధ పదేళ్లు పూర్తి చేసుకున్న సందర్భంగా ఆ సంస్ధ సీఈఓ సంజీవ్ కపూర్ మాట్లాడుతూ భవిష్యత్తులో ప్రయాణీకులకు నాణ్యమైన సేవలందిస్తామన్నారు. ప్రస్తుతం ప్రకటించిన ఈ 1010 ఆఫర్ కేవలం జాతీయ ఫ్లయిట్స్‌కు మాత్రమేనని అన్నారు.