దాదాపు 20 సంవత్సరాల తర్వాత రూపాయి నోట్లు భారత్‌లో చలామణిలోకి వచ్చాయి. కేంద్ర ఆర్ధిక శాఖ కార్యదర్శి రాజీవ్ మెహ్రిషి సంతకంతో కూడిన ఈ నోట్లను రాజస్ధాన్‌లోని నద్వారా గ్రామంలోని శ్రీనాథ్ జీ దేవాలయంలో ఇటీవల వీటిని విడుదల చేశారు.

కాగా, రూపాయి నోటు మినహా మిగతా అన్ని భారత కరెన్సీ నోట్లపై రిజర్వ్ బ్యాంక్ ఆఫ్ ఇండియా (ఆర్‌‌బీఐ) సంతకం ఉంటుదన్న సంగతి తెలిసిందే. ఈ కొత్తగా విడుదలైన రూపాయి నోట్లతో పాటు ఇప్పటికే మార్కెట్లో ఉన్న అన్ని రూపాయి నోట్లు చెల్లుబాటు అవుతాయని కేంద్రం ఒక ప్రకటనలో తెలిపింది.

ఈ కొత్త నోట్లు 110 మైక్రానుల మందంతో ఉన్నాయి. వీటిని పూర్తిగా పత్తి నుంచి తయారు చేసిన కాగితంతో తయారు చేశారు. "సత్యమేవ జయతే" అనే అక్షరాలు లేకుండా ఉండే అశోఖ స్తంభం గుర్తు ఉంటుంది.

పింక్, గ్రీన్ రంగు కలయికతో హిందీ, ఇంగ్లీషు బాషల్లో మెహ్రిషి సంతకంతో ఉంటుంది. 1994లో రూపాయి నోట్ల తయారీని నిలిపివేసిన సంగతి తెలిసిందే. ఆ తర్వాత 2, 5 రూపాయల నోట్ల ముద్రణను 1995లో నిలిపివేశారు.