ఈ ఏడాది నుంచి థర్డ్ పార్టీ మోటార్ బీమా ప్రీమియం రేట్లను పెంచాలని బీమా నియంత్రణ అధికార సంస్ధ ఐఆర్‌డీఏ ముసాయిదా ప్రతిపాదనలను తీసుకొచ్చింది. దీని ప్రకారం "2013-14లో అంతక్రితం ఏడాదితో పోలిస్తే క్లెయిములు సగటు భారీ స్ధాయిలో పెరిగింది.

2014-15, 2015-16 ఏడాదుల్లో జారీ చేసిన బీమాల క్లెయిములు కూడా పెరుగునున్నట్లు అంచనాలన్నాయి" అని మంగళవారం విడుదల చేసిన ముసాయిదాలో ఐఆర్‌డీఏ తెలిపింది. ఇక ధర్డ్ పార్టీ బీమా కవరేజి వల్ల ముఖ్య ఉపయోగం ఏమిటంటే వాహన యజమాని వల్ల ఎవరికైనా నష్టం వాటిల్లితే బీమా కంపెనీ ఆ ఖర్చును భరిస్తుంది.

ప్రభుత్వ రూల్స్ ప్రకారం సొంత నష్ట కవరేజితో పాటు ధర్డ్ పార్టీ బీమా అనేది తప్పనిసరి. 2013-14లో సగటున క్లెయిముల పరిమాణం 12 శాతం పెరిగిందని బీమా సమాచార చట్టం (ఐఐబీ) గణాంకాలు వెల్లడించాయి. ఐర్‌డీఏ తాజా ప్రతిపాదనలపై మార్చి 20లోగా స్పందించాలని బీమా సంస్ధలకు తెలిపింది.