క్రమం తప్పకుండా పొదుపు చేయడంతో పాటు, జీవిత బీమా పాలసీ కూడా కావాలని భావించే వారి కోసం ఎక్సైడ్ లైఫ్ ఇన్సూరెన్స్ జీవన్ ఉదయ్ పాలసీని అందుబాటులోకి తెచ్చింది. తక్కువ ప్రీమియంతో జీవిత బీమా పాలసీ తీసుకోవాలని భావించే వారు ఆరునెలలు కనీస ప్రీమియం రూ. 4 వేలు, ఏడాదికి కనీస ప్రీమియం రూ. 6 వేలుగా పాలసీని తీసుకోవచ్చు.

చెల్లించిన వార్షిక ప్రీమియానికి పది రెట్ల వరకు జీవిత బీమా లభిస్తుంది. ఈ పాలసీ వ్వవధి 10, 15, 20 సంవత్సరాలుగా ఎంపిక చేసుకోవచ్చు. ఏదైనా కారణం చేత ఒక సంవత్సరం పాలసీ ప్రీమియం చెల్లించలేకపోయినా, బీమా రక్షణ కొనసాగడం ఈ పాలసీ ప్రత్యేకత.

మీరు తీసుకున్న ఎక్సైడ్ లైఫ్ ఇన్సూరెన్స్ జీవన్ ఉదయ్ పాలసీ ప్రీమియం ఆదాయపు పన్ను చట్టం సెక్షన్ 80సీ ప్రకారం పన్ను మినహాయింపు కూడా లభిస్తుంది.