న్యూఢిల్లీ: ఎల్ఐసీ పాలసీని కలిగి ఉన్నారా.. ఐతే మీకు శుభవార్త. జీవిత బీమా పాలసీదారులు ఉచితంగా నామినీ పేరును మార్చుకునే వెసులుబాటు కల్పించాలని బీమా నియంత్రణ అభివృద్ధి మండలి ఐఆర్‌డీఏ ప్రతిపాదించింది.

దీనికి సంబంధించిన ముసాయిదా నివేదికను విడుదల చేసింది. ఫిబ్రవరి 2 లోగా సంబంధిత వర్గాల నుంచి అభిప్రాయాలను కోరుతుంది. ప్రస్తుతం ఎల్‌ఐసీ పాలసీని కొనుగోలు చేసినప్పుడు నమోదు చేసే నామినీ పేరుని తర్వాత కాలంలో మార్చాలనుకుంటే ఇన్సూరెన్స్ కంపెనీలు అదనపు చార్జీ వసూలు చేస్తున్న విషయం తెలిసిందే.

దీంతో అవసరమైనప్పుడు పాలసీలో ప్రతిపాదించిన నామినీ పేరుని మార్చుకోవడం పాలసీదారు హక్కు అని నియంత్రణ మండలి చెప్తుంది. ఐతే ఎలక్ట్రానిక్ రూపంలో భద్రపరిచే పాలసీలకు మాత్రం విధి విధానాలు మాత్రం మారుతాయని ఐఆర్‌డీఏ స్పష్టం చేసింది.