న్యూఢిల్లీ: బ్యాంకుల నుంచి రుణం తీసుకుని సకాలంలో చెల్లించకుంటే వారిని రుణ ఎగవేతదారులుగా బ్యాంకులు ప్రకటిస్తున్న విషయం తెలిసిందే. ఐతే ఇప్పుడు బ్యాంకులతో పాటు, మార్కెట్ రెగ్యులేటరీ నియంత్రణ సంస్ధ సెబీ కూడా ఉద్దేశపూరిత రుణ ఎగవేతదారులపై (విల్‌ఫుల్ డిఫాల్టర్) వేటు వేసేందుకు రంగం సిద్ధం చేసుకుంటున్నది.

బ్యాంకుల నుంచి రుణాలు తీసుకుని కావాలనే కావాలనే రుణాలు ఎగకొట్టే సంస్థలు లేదా వ్యక్తులు ఈక్విటీ, రుణ మార్కెట్ల నుంచి నిధులు సేకరించడం లేదా లిస్టెడ్ కంపెనీలను కొనుగోలు చేయకుండా నిషేధించాలని సెబీ ప్రతిపాదించింది.

పాఠకుల కోసం ఫేస్‌బుక్ ద్వారా ఎప్పటికప్పుడు తాజా వార్తలు... లైక్ చేయండి.

అయితే రైట్స్ ఇష్యూ లేదా అర్హత కల్గిన సంస్థాగత ఇన్వెస్టర్లు మాత్రం ప్రైవేట్ ప్లేస్‌మెంట్ ద్వారా నిధులు సేకరించవచ్చు. ఐతే, ఆఫర్ డాక్యుమెంట్‌లో డిఫాల్ట్ అయిన సంగతిని, అందుకు సంబంధించిన పూర్తి వివరాలను వెల్లడించాల్సి ఉంది. దీనికి సంబంధించిన వివరాలను సెబీ విడుదల చేసింది. ఈ నివేదికపై సంబంధిత వర్గాల నుంచి 23 వరకు అభిప్రాయాలు, సూచనలు, అభ్యంతరాలు సేకరించనుంది. ఆ తర్వాత తుది నివేదికనువెల్లడించనుంది.