న్యూఢిల్లీ: మైబైల్ బ్యాంకింగ్ రిజిస్ట్రేషన్ ప్రక్రియను మరింతగా వేగవంతంం చేసేలా రిజర్వ్ బ్యాంక్ ఆఫ్ ఇండియా (ఆర్‌బీఐ) కోరింది. కస్టమర్లు తమ వివరాలను నమోదు చేసుకున్న తర్వాత వీలైనంత త్వరగా ఖాతాదారులకు మొబైల్ బ్యాంకింగ్ సేవలను అందిచాలని సూచించింది.

దేశంలో సెల్ ఫోన్లు... ముఖ్యంగా స్మార్ట్ ఫోన్లు వాడుతున్న వారి సంఖ్య వృద్ధి చెందుతున్నప్పటికీ, మొబైల్ బ్యాంకింగ్ సేవల విస్తరణ మాత్రం ఇంకా మందకొడిగానే ఉందని నిర్వహణ మార్గదర్శకాల్లో పేర్కొంది. ఇక మీదట ఏటీఎంల వద్దే ఎం-పిన్ నంబర్‌ను మార్చుకునే వీలుకల్పించాలని ప్రతిపాదించింది.

అంతేకాదు ఐవీఆర్(ఇంటరాక్టివ్ వాయిస్ రెస్పాన్సివ్ సిస్టమ్), ఫోన్ బ్యాంకింగ్, మెయిల్స్, ఎస్‌ఎంఎస్, వెబ్‌సైట్, కియోస్క్‌లు, సోషల్ మీడియా సైట్లను ద్వారా మొబైల్ బ్యాంకింగ్ సేవలను ప్రోత్సహించడంతోపాటు రిజిస్ట్రేషన్‌కూ ఏర్పాట్లు చేయాలని ఆర్‌బీఐ సూచించింది.