న్యూఢిల్లీ: చైనాకు చెందిన మొబైల్ కంపెనీ జియోమీ మూడు సంవత్సరలా కాలంలోనే ప్రపంచంలో మూడో స్మార్ట్ ఫోన్ తయారీ సంస్ధగా అవతరించింది. భారత్ లాంటి అత్యంత మొబైల్ వినియోగం ఉన్న దేశాల్లో ఈ ఫోన్‌ను నిషేధించినా ప్రపంచ వ్యాప్తంగా ఈ ఫోన్‌కు మంచి డిమాండ్ ఉంది.

ప్రపంచంలోనే స్మార్ట్ ఫోన్ల విక్రయాల్లో మూడో అతి పెద్ద సంస్థగా తొలి స్థానంలో శ్యాంసంగ్ ఉండగా, రెండో స్థానంలో యాపిల్ కొనసాగుతోంది. గూగుల్ ఆండ్రాయిడ్ అపరేటింగ్ సిస్టమ్‌పై పనిచేసే ఈ ఫోన్‌ను జియోమీ కంపెనీ నేరుగా ఆన్ లైన్ లో విక్రయించడం వల్ల ఎక్కువ కస్టమర్లకు చేరువైంది.

వచ్చే ఏడాది నాటికి 100 మిలియన్ ఫోన్ విక్రయాలు జరపాలని జియోమీ కంపెనీ లక్ష్యంగా పెట్టుకుంది. ఇది ఇలా ఉంటే ప్రపంచ వ్యాప్తంగా శ్యాంసంగ్ వాటా 24.7 శాతానికి పడిపోయింది. తక్కువ ధరలో అత్యధిక ఫీచర్స్ ఉన్న జియోమీ కంపనీ ఫోన్ల వైపు వినియోగదారులు ఆకర్షితులవుతుండటంతో జియోమీ కంపెనీ వాటా 5.6 శాతానికి చేరుకుంది.

ఇదే విధంగా అమ్మకాలు జరిగితే రానున్న రెండేళ్లలో జియోమీ తొలిస్థానంలో నిలిచినా నిలవొచ్చు.