న్యూఢిల్లీ: రూ. 5000 నోట్లు మార్కెట్లోకి వస్తున్నాయనేది అబద్దంమని రిజర్వ్ బ్యాంక్ ఆఫ్ ఇండియా స్పష్టం చేసింది. మైక్రో బ్లాగింగ్ వెబ్‌సైట్ ట్విట్టర్‌లో సోమవారం ఉదయం... రిజర్వ్ బ్యాంక్ ఆఫ్ ఇండియా మంగళవారం మార్కెట్లోకి రూ. 5000 నోట్లను విడుదల చేయనున్నట్లు ట్వీట్స్ వచ్చాయి.

ఈ విషయంపై రిజర్వ్ బ్యాంక్ ఆఫ్ ఇండియా అధికార ప్రతినిధి స్పందించారు. మంగళవారం రూ. 5000 వేల నోటు విడుదల అవుతుందంటూ.. ఓ నోటు ఫోటోను పెట్టారు. ఐతే వెయ్యి రూపాయల నోటు మీద 1 అంకెకు బదులు.... 5 పెట్టేసి ట్విట్టర్‌లో అబద్దాన్ని ప్రచారం చేశారని అన్నారు.

అసలు తమకు రూ. 5000 నోటు లాంటి ప్రతిపాదనే లేదని, ఇలాంటి వదంతులు ఎలా మొదలయ్యోయో తమకు తెలియదని ఆర్‌బీఐ అధికారి తెలిపారు. ముందు వాట్సప్‌లో ఎవరో ఈ విషయం గురించి చెప్పారని.. ఆ తర్వాత అలా యావత్ దేశం వెళ్లిందని తెలిపారు.

1950 ప్రాంతాల్లో వెయ్యి, రూ. 5 వేలు, రూ. 10 వేలు నోట్లను రిజర్వ్ బ్యాంక్ ఆఫ్ ఇండియా ముద్రించింది. ఐతే ఎకానమీకి ఇబ్బందికి కలగడంతో 1967 తర్వాత రూ. 5000, రూ. 10000 నోట్లను వెనక్కి తీసుకున్నట్లు రిజర్వ్ బ్యాంక్ ఆఫ్ ఇండియా వెబ్ సైట్‌లో ఉంది.