హైదరాబాద్: సిటీ గ్రూప్ డౌన్ గ్రేడ్ చేయడంతో ఐటీ కంపెనీల షేర్లు భారీగా నష్టపోయాయి. భారత్ స్టాక్ మార్కెట్లలో ఐటీ దిగ్గజాలైన ఇన్పోసిస్, టెక్ మహీంద్రా, మైండ్ ట్రీ, విప్రో కంపెనీల షేర్లు భారీగా నష్టపోయాయి.

బుధవారం స్టాక్ మార్కెట్లో ఇన్పోసిస్, టెక్ మహీంద్రా సంస్దలు 5 శాతం, మైండ్ ట్రీ, టీసీఎస్, విప్రో సంస్దలు 3 శాతానికి పైగా నష్టపోయాయి. ఇన్పోసిస్ లిమిటెడ్ షేరు 5 శాతంతో 179 రూపాయలు క్షీణించి 3,652 వద్ద ట్రేడ్ అవుతుంది.

ఐటీ రంగాలకు చెందిన షేర్లు భారీగా క్షీణించడంతో భారత స్టాక్ మార్కెట్ల సూచీలు ఒడిదుడుకులను ఎదుర్కొంటున్నాయి. సాయంత్రం 3 గంటల ప్రాంతంలో బాంబే స్టాక్ ఎక్సేంజ్ 30 పాయింట్ల నష్టంతో 26241వద్ద, నిప్టీ 8 పాయింట్లు క్షీణించి 7844 వద్ద ట్రేడ్ అవుతున్నాయి.