తాము తీసుకొచ్చిన ఈ ఆఫర్ అందరి మనసును దోచుకుంటుందనే విశ్వాసాన్ని ఈ సందర్భంగా పెప్సికో ఇండియా మార్కెటింగ్ డైరెక్గర్ వాణి గుప్తా అన్నారు. ఈ ఆఫర్ అక్టోబర్ 31 వరకు ఉంటుందన్నారు.

భారత విదేశీ మారకద్రవ్యంలో క్షీణత

ముంబై: భారత విదేశీ మారకద్రవ్య నిల్వలు సెప్టెంబర్ 12తో ముగిసిన వారంలో 1.615 బిలియన్ డాలర్లు పడిపోయి 315.697 బిలియన్ డాలర్లకు పరిమితమయ్యాయి. అమెరికాయేతర కరెన్సీ ఆస్తుల్లో చోటుచేసుకున్న ఎడతెగని పతనంతోనే తగ్గినట్లు రిజర్వ్ బ్యాంక్ ఆఫ్ ఇండియా (ఆర్‌బిఐ) శుక్రవారం ఓ ప్రకటనలో స్పష్టం చేసింది.

కాగా, సెప్టెంబర్ 5తో ముగిసిన వారంలోనూ దేశంలోని విదేశీ మారకద్రవ్య నిల్వలు 1.327 బిలియన్ డాలర్లు క్షీణించాయని రిజర్వ్ బ్యాంక్ స్పష్టం చేసింది.