స్టాన్‌ఫోర్డ్‌ వర్సిటీ ఇంజినీర్లు దీనిపై ప్రస్తుతం ప్రయోగాలు చేస్తున్నారు. వర్సిటీ ఎలక్ట్రికల్‌ ఇంజినీరింగ్‌ విభాగంలో అసిస్టెంట్‌ ప్రొఫెసర్‌గా పనిచేస్తున్న అమిన్‌ అర్బాబియన్‌ నేతృత్వంలో రూపొందుతున్న ఈ చిన్న రేడియోకు బ్యాటరీ అవసరం లేదు.

ఛార్జింగ్‌ అంతకన్నా అవసరం లేదు. ఎందుకంటే, అది గ్రహించే విద్యుదస్కాంత తరంగాల నుంచే దానికి అవసరమైన శక్తిని తయారు చేసుకుంటుంది. ఇక ధర విషయమంటారా, ఇప్పటిదాకా ఇంత తక్కువ ధరకు దొరికిన ఎలక్ట్రానిక్‌ వస్తువే ఉండదని వారు చెబుతున్నారు.

‘ఇటీవల జరిగిన ప్రయోగాల్లో ఈ చిన్న రేడియో, తరంగాలను చక్కగా స్వీకరించింది. తాము అనుకున్న మేరకు ఈ చిన్న రేడియో పనిచేసింది' అని అర్బాబియన్‌ తెలిపారు. ఏ ఎలక్ట్రానిక్‌ పరికరంలోనైనా ఇట్టే ఇమిడిపోయే ఈ బుల్లి రేడియో, వైర్‌లెస్‌ ఇంటర్నెట్‌ పరిమితులను అధిగమించనుంది.