న్యూఢిల్లీ: ప్రయాణీకులకు తక్కవ ధరలను అందించడంలో విమానయాన సంస్దలు మధ్య విపరీతమైన పోటీ నెలకొన్న నేపథ్యంలో రూ. 599, రూ. 1999 టిక్కెట్లను ఈ నెల 10 వరకు బుక్ చేసుకోవచ్చని స్పైస్ జెట్ తెలిపింది. జనవరి 16 నుండి వచ్చే ఏడాది అక్టోబర్ 24 మధ్య ప్రయాణాలకే రూ. 599 ఆఫర్ వర్తిస్తుందని తన ప్రకటనలో పేర్కొంది.

ఐతే ఇంధన సర్ ఛార్జీ మినహా పన్నులు, ఇతర రుసుంలు అదనంగా చెల్లించాల్సి ఉంటుంది. ఈ ఏడాది అక్టోబర్ 7 నుండి వచ్చే ఏడాది 15 మధ్య ప్రయాణానికి రూ. 1,999 టికెట్ చెల్లుబాటు అవుతుంది. ఐతే ఇందులో అన్ని ఛార్జీలు కలిసి ఉంటాయి.

ఈ ఏడాది విమానయాన విపణి వృద్ది చెందడంలోనూ, గిరాకీ పెరగడంలోనూ స్పెస్ జెట్ ముందుందని సీఈఓ సంజీవ్ కపూర్ తెలిపారు. వినియోగదారులను ఆకర్షించే ఉద్దేశంతో ఎయిరిండియా, జెట్ ఎయిర్ వేస్, ఇండిగో, గోఎయిర్ సంస్దలు ప్రత్యేక ఆఫర్‌లతో ముందుకొచ్చిన సందర్బంలో జెట్ ఎయిర్ వేస్ ఈ నిర్ణయం తీసుకుందన్నారు.

ఇటీవలే విమానయాన రంగంలోకి అడుగుపెట్టిన ఎయిర్ కోస్టా, ఎయిర్ ఏషియా కూడా అధ్బుతమైన ఆఫర్స్‌ను అందిస్తున్నాయి.