పోచంపల్లి మేళాలో నటి నేహా సందడి(పిక్చర్స్)

హైదరాబాద్: అత్యాధునిక సాంకేతిక పద్దతుల్లో నిపుణులైన చేనేత కార్మికులు ప్రత్యేక 'ఇఖత్' ఆర్ట్ విధానంతో నేసిన హ్యాండ్‌లూమ్ వస్త్ర ప్రదర్సన 'పోచంపల్లి ఇఖత్ ఆర్ట్' మేళా సికింద్రాబాద్‌ లోని వై.డబ్యు.సి.ఏలో కొలువుదీరింది. ఈ మేళాను శ్రీనిలయం సినీ బృందం నటులు నేహా దేశ్ పాండ్, యోగేష్ తదితరులు ప్రారంభించారు.

ఈ తరహా ప్రదర్సనలు వలన చేనేత కార్మికులు తమ ఉత్పత్తులకు మరింత ప్రాచుర్యం కల్పించుకునే అవకాశం ఉందని నటి దేశ్ పాండే అన్నారు. మరో అతిధి తెలంగాణ రాష్ట్ర హ్యాండ్ లూమ్ డైరెక్టర్ నర్సింగరావు మాట్లాడుతూ ఈ తరహ మేళా నిర్వహించడం వల్ల నేత కార్మికులకు మార్కెటింగ్ అవకాశాలు పెరుగుతాయన్నారు.

హ్యాండ్ లూమ్ పార్క్ మాజీ ఛైర్మన్ కృష్ణ, ఛైర్మన్ దేవేందర్, సీఈఓ దామోదర్‌లు మాట్లాడుతూ ఈ నెల 11వతేదీ వరకు కొనసాగనున్న ప్రదర్సనలో ప్రాచీన భారత సంప్రదాయంలో ఉన్న హ్యాండ్ లూమ్ వసత్ర ఉత్పత్తులైన సిల్క్ అండ్ కాటన్, డ్రస్ మెటీరియల్స్, కుర్తాస్, టేబుల్ లెనిన్, బెడ్ షీట్స్, స్టోల్స్ ట్రెండ్‌కు అనుగుణంగా మేళాలో అందుబాటులో ఉంటాయని వివరించారు.