న్యూఢిల్లీ: సాప్ట్ వేర్ దిగ్గజం టీసీఎస్ మేనేజింగ్ డైరెక్టర్, సీఈఓ చంద్రశేఖరన్‌కు పదవీ కాలాన్ని మరో ఐదేళ్లు పొడిగించింది. అక్టోబర్ 6, 2019 వరకూ ఆయన ఈ పదవిలో కొనసాగనున్నారు. అక్టోబర్ 6, 2009వ తేదీన ఆయన మేనేజింగ్‌ డైరెక్టర్‌, సిఇఒ నియమితులయ్యారు. వచ్చే నెల 6వ తేదీన నుండి పొడిగింపు వర్తిస్తుందని టీసీఎస్ తెలిపింది.

టీసీఎస్‌‌కు పోటీదారుగా ఉన్న ఇన్పోసిస్ క్లయింట్లు టెక్నాలజీ వ్యయాల విషయంలో ఆందోళనలు పడుతుంటే, టీసీఎస్ మాత్రం ఇటీవల కాలంలో అధ్బుతమైన లాభాలను ప్రకటించింది. చంద్రశేఖరన్‌ బాధ్యతలు చేపట్టే నాటికి అంటే 2009-10 ఆర్థిక సంవత్సరం రెండో త్రైమాసికం ఆదాయాలు 29,091 కోట్ల రూపాయలు కాగా 2014 ద్వితీయ త్రైమాసికంలో అవి 85,933 కోట్లకు పెరిగాయి.

కంపెనీ వార్షిక వృద్ధిరేటు 24.2 శాతం ఉంటోంది. ఐటి రంగంలో గరిష్ఠ వృద్ధిని నమోదు చేస్తున్న కంపెనీల్లో టిసిఎస్‌ ఒకటిగా నిలిచింది. చంద్రశేఖరన్‌ సారథ్యంలో టిసిఎస్‌ మార్కెట్‌ విలువ 4.1 రెట్లు పెరిగి 1.2 లక్షల కోట్ల నుంచి 4.97 లక్షల కోట్ల రూపాయలకు చేరింది.