హైదరాబాద్: తెలంగాణ రాష్ట్రాన్ని పారిశ్రామికంగా, సాంకేతికంగా దేశంలోనే మొదటి స్థానంలో నిలిపేందుకు కృషి చేస్తున్నామని ఐటి శాఖ మంత్రి కె తారక రామారావు అన్నారు. ఆయన శుక్రవారం ‘రౌండ్ టేబుల్ ఇండియా ఏరియా-9' సంస్థ ఆధ్వార్యాన నిర్వహించిన ‘హైదరాబాద్ ది రోడ్ ఎహెడ్' సదస్సుకు ముఖ్య అతిథిగా హాజరై మాట్లాడారు.

తెలంగాణలో పెట్టుబడులు, వ్యాపారాలకు అనువైన వాతావరణంపై ఆయన ప్రతినిధులతో చర్చించారు. ఐఎస్‌బి, ఐఐఐటిలతో కలిసి దేశంలోనే అతి పెద్ద ఇంక్యుబేటర్(స్టార్టప్ సంస్థలు)ను ఏర్పాటు చేయనున్నట్లు కెటిఆర్ తెలిపారు. త్వరలోనే దీనికి తుది రూపం రానుందని తెలిపారు. హైదరాబాద్‌ను పూర్తి స్థాయి వై-ఫై నెట్‌వర్క్ నగరంగా తీర్చి దిద్దుతామన్నారు. ఇంజినీరింగ్,, డిగ్రీ విద్యార్థులకు ఉద్యోగార్హతలు, ఉపాధి అవకాశాలు మెరుగుపర్చేందుకు నైపుణ్యాభివృద్ధి సంస్థలను ఏర్పాటు చేయనున్నట్లు తెలిపారు.

సాఫ్ట్‌వేర్ సంస్థలు, ఇంజినీరింగ్ కళాశాలలను అనుసంధానం చేయడం ద్వారా, వారిలో నైపుణ్యాలను అభివృద్ధిపరచాలని యోచిస్తున్నట్లు తెలిపారు. వివిధ ప్రాంతాల నుంచి వచ్చి తెలంగాణలో స్థిరపడిన వారికి అండగా నిలుస్తామని, హైదరాబాద్‌లో శాంతిభద్రతల విషయంలో కఠినంగా ఉంటామన్నారు. నైపుణ్యాలు అవసరం లేని(అన్‌స్కిల్డ్) ఉద్యోగాల్లో స్థానికులకు అవకాశం కల్పించాలని మీడియా అడిగిన ఓ ప్రశ్నకు సమాధానంగా సంస్థలను కోరారు.

నైపుణ్యం అవసరమైన ఉద్యోగాల్లో ఏ ప్రాంతానికి చెందిన వారినైనా నియమించుకోవచ్చని, అందుకు ఎవరూ అడ్డు చెప్పరని అన్నారు. ఈ కార్యక్రమంలో రౌండ్ టేబుల్ ఇండియా ఏరియా-9 సంస్థ ఛైర్మన్ ఫిరోజ్‌ఖాన్, సినీ నిర్మాత సురేష్ బాబు, వ్యాపార, వాణిజ్య సంస్థల ప్రతినిధులు పాల్గొన్నారు.

హైదరాబాద్ ది రోడ్ ఎహెడ్

పారిశ్రామికంగా, సాంకేతికంగా తెలంగాణ రాష్ట్రాన్ని దేశంలోనే మొదటి స్థానంలో నిలిపేందుకు కృషి చేస్తున్నామని ఐటి శాఖ మంత్రి కె తారక రామారావు అన్నారు.

హైదరాబాద్ ది రోడ్ ఎహెడ్

శుక్రవారం ‘రౌండ్ టేబుల్ ఇండియా ఏరియా-9' సంస్థ ఆధ్వార్యాన నిర్వహించిన ‘హైదరాబాద్ ది రోడ్ ఎహెడ్' సదస్సుకు కెటిఆర్ ముఖ్య అతిథిగా హాజరై మాట్లాడారు.

హైదరాబాద్ ది రోడ్ ఎహెడ్

తెలంగాణలో పెట్టుబడులు, వ్యాపారాలకు అనువైన వాతావరణంపై ఆయన ప్రతినిధులతో చర్చించారు. ఐఎస్‌బి, ఐఐఐటిలతో కలిసి దేశంలోనే అతి పెద్ద ఇంక్యుబేటర్(స్టార్టప్ సంస్థలు)ను ఏర్పాటు చేయనున్నట్లు కెటిఆర్ తెలిపారు. త్వరలోనే దీనికి తుది రూపం రానుందని తెలిపారు.

హైదరాబాద్ ది రోడ్ ఎహెడ్

హైదరాబాద్‌ను పూర్తి స్థాయి వై-ఫై నెట్‌వర్క్ నగరంగా తీర్చి దిద్దుతామన్నారు. ఇంజినీరింగ్,, డిగ్రీ విద్యార్థులకు ఉద్యోగార్హతలు, ఉపాధి అవకాశాలు మెరుగుపర్చేందుకు నైపుణ్యాభివృద్ధి సంస్థలను ఏర్పాటు చేయనున్నట్లు తెలిపారు.