హైదరాబాద్: రాష్ట్ర రాజధాని హైదరాబాదులో బంజారాహిల్స్‌లోని తాజ్ కృష్ణా హోటల్లో యంగ్ ఫిక్కీ లేడీస్ ఆర్గనైజేషన్ ఆధ్వర్యంలో మంగళవారం ఎవ్రీ ఉమెన్ కెన్ బి బ్యూటీఫుల్ అనే అంశంపై ఎస్టీ లాడర్ సంస్థ ప్రత్యేక శిక్షణను ఇచ్చింది.

ఈ కార్యక్రమంలో నగరానికి చెందిన ప్రముఖ సామాజిక సేవకురాలు పింకీ రెడ్డి ముఖ్య అతిథిగా పాల్గొన్నారు. ఫిక్కీ చైర్ పర్సన్ అషియా నవల్కారియా వచ్చారు. చిన్న చిన్న కిటుకులతో అందంగా ఎలా తయారవ్వవచ్చో.. అందానికి మరింత మెరుగులు ఎలా దిదదవచ్చో చిట్కాలు తెలిపారు.

ఎస్టీ లాడర్ బెంగళూరుకు చెందిన ప్రముఖ సౌందర్య ఉత్పత్తుల తయారీ సంస్థ. వీరు ఫిక్కీ లేడీస్ సభ్యులకు బ్యూటీషియన్ నిపుణులు టిప్స్ అందించారు. దీనిని డే ఆఫ్ లగ్జరీ పేరుతో నిర్వహించారు.

ఇటీవలి కాలంలో మహిళలు అందంపై మరింత దృష్టి సారిస్తున్నారు. ఈ కారణంగానే నగరాలు, పట్టణాలలో పెద్ద ఎత్తున బ్యూటీషియన్ కేంద్రాలు వెలుస్తున్నాయి. ఈ కోర్సు నేర్చుకునేందుకు మహిళలు ఆసక్తి కనబరుస్తున్నారు.