దాంతో ఏప్రిల్-జూన్ త్రైమాసికంలో 6.72 శాతంగా ఉన్న వాటా కాస్తా జూలై- సెప్టెంబర్ నాటికి 4.95కు దిగింది. ఈ మూడు నెలల కాలంలో ఇన్ఫోసిస్‌లో 1.77 శాతం వాటాను ఎల్‌ఐసి ఉపసంహరించుకున్నట్లు స్టాక్ ఎక్స్‌చేంజ్‌ల గణాంకాలు చెబుతున్నాయి.

కాగా, ఈ ఏడాది జనవరి-మార్చి త్రైమాసికంలో ఇన్ఫోసిస్‌లో దేశీయ స్టాక్‌మార్కెట్లలో భారీ సంస్థాగత మదుపరి అయిన ఎల్‌ఐసికి 5.96 శాతం వాటా ఉండగా, దాన్ని ఏప్రిల్-జూన్ త్రైమాసికం నాటికి 6.72 శాతానికి పెంచుకుంది.

అయితే ఆ తర్వాతి త్రైమాసికం జూలై-సెప్టెంబర్‌లోనే 1.77 శాతం వాటాను ఎల్‌ఐసి లాగేసుకుంది. ఇదిలావుంటే గడిచిన 10 నెలల్లో ఇన్ఫోసిస్ షేర్ విలువ 2,300 రూపాయల నుంచి 3,300 రూపాయల మధ్య ట్రేడ్ అయ్యింది. ప్రస్తుతం 3,300 రూపాయలుగా ఉన్న ఈ షేర్ విలువ.. అక్టోబర్ 11న 3,360 రూపాయలకు చేరుకుని 52వారాల గరిష్ఠ స్థాయిని అందుకుంది.