కంపెనీ ఫైనాన్షియల్ సర్వీసెస్ అధిపతి (అమెరికా) సుధీర్ చతుర్వేది మూడు రోజుల క్రింద రాజీనామా చేశారు. దీనితో పాటు కంపెనీ వైస్ ప్రెసిడెంట్ బాసబ్ గత నెల్లో ఇన్పోసిస్‌ను వదిలి వెళ్లిన విషయం తెలిసిందే. జూన్ 1,2013 నుంచి నారాయణమూర్తి సంస్థ ఎగ్జిక్యూటివ్ చైర్మన్‌గా, అదనపు డైరెక్టర్‌గా బాధ్యతలు నిర్వహిస్తున్న విషయం తెలిసిందే. నారాయణ మూర్తి తన వ్యక్తిగత సహాయకుడి(ఎగ్జిక్యూటివ్ అసిస్టెంట్)గా సొంత కుమారుడైన రోహన్ మూర్తిని నియమించకున్నారు. నారాయణ మూర్తి కుమారుడు రోహాన్ మూర్తికి 30 సంవత్సరాలు. రోహాన్ మూర్తి అమెరికాలోని హార్వర్డ్ యూనివర్సిటీలో కంప్యూటర్ సైన్స్ విభాగంలో పిహెచ్‌డీ చేశారు. కార్నెల్ యూనివర్సిటీ నుండి గ్రాడ్యుయేట్ పట్టా పొందారు. అమెరికాలోని మైక్రోసాప్ట్ రీసెర్చ్, ఎమ్ఐటీ.. కాల్టెక్ నుండి ఫెలో షిప్స్ అందుకున్నారు.

ఇన్పోసిస్ ఛైర్మన్‌గా తిరిగి నారాయణ మూర్తి నియమితులైన తర్వాత పైస్దాయిలో మార్పులు చేశారు. ఇన్పోసిస్ అనుబంధ సంస్ద లోడ్ స్టోన్ చైర్మన్ బీజీ శ్రీనివాసన్ స్దానంలో వి. బాలకృష్ణన్‌ను నియమించారు. గంతలో ఈయన ఇన్పోసిస్ సీఎఫ్‌ఓ. ఇన్పోసిస్‌కు డైరెక్టర్ కూడా అయిన వి. బాలకృష్ణన్‌ కంపెనీ సీఎఫ్‌ఓగా చేయకముందు ఇన్పోసిస్ బీపీఓకు అధిపతిగా ఉన్నారు. ఇది ఇలా ఉంటే లోడ్ స్టోన్ బోర్డులో బీజీ శ్రీనివాస్ కీలక సభ్యుడిగా కొనసాగుతాడని ఇన్పోసిస్ పేర్కొంది. 330 మిలియన్ స్విస్ ప్రాంకులు (సుమారు రూ. 1932 కోట్లు) పెట్టి లోడ్ స్టోన్‌ను అక్టోబర్ 22, 2012లో ఇన్పోసిస్ కొనుగోలు చేసిన విషయం తెలిసిందే.

వన్ఇండియా మనీ తెలుగు