న్యూఢిల్లీ: అంతర్జాతీయ మార్కెట్లో రూపాయి మారకపు విలువ రోజురోజుకీ క్షీణిస్తుండటంతో మన స్టాక్ మార్కెట్లు నష్టాల్లో పయనిస్తున్నాయి. ఐతే విదేశాల్లో మాత్రం ఇందుకు భిన్నంగా మార్కెట్లు స్ధిరంగా ఉంటున్నాయి. దీనిని అదునుగా తీసుకోని విదేశాల్లో ఇన్వెస్ట్ చేసి లభ్ది పొందాలనుకునే వారి కోసం విదేశీ ఈక్విటీ మార్కెట్లో ఇన్వెస్ట్ చేసేలా ప్రైవేటు రంగానికి చెందిన ఐసీఐసీఐ ప్రుడెన్షియల్ మ్యూచవల్ ఫండ్ సంస్ద గ్లోబల్ ఈక్విటీ ఫండ్‌ ప్రవేశపెట్టింది.

ఈ ఈక్విటీ ఫండ్‌ ద్వారా ఇన్వెస్టర్ల నుండి సేకరించిన మొత్తాన్ని వివిధ దేశాలకు చెందిన మార్కెట్లలో పెట్టుబడి పెట్టి గ్లోబల్ స్టేబుల్ ఈక్విటీ ఫండ్‌ ఇన్వెస్ట్ చేస్తారన్నమాట. ఆగస్టు 27 నుండి ప్రారంభం కానున్న ఈ పథకం న్యూ ఫండ్ ఆఫర్ సెప్టెంబర్ 10తో ముగుస్తుంది. ఇందులో కనీస ఇన్వెస్ట్‌మెంట్ మొత్తాన్ని రూ. 5,000గా నిర్ణయించారు. ఈ గ్లోబల్ ఈక్విటీ ఫండ్‌ పథకం ఓపెన్ ఎండెడ్ పథకం కావడంతో పెట్టుబడి పెట్టిన తర్వాత ఎప్పుడైనా వైదొలగొచ్చు. 90 రోజుల్లో వైదొలిగితే 3శాతం, ఆ తర్వాత 540 రోజులలోపైతే 1శాతం అమ్మకం పన్ను చెల్లించాల్సి ఉంటుంది.

వన్ఇండియా మనీ తెలుగు